怕疫情屈郭富城北上，張家輝：我唔去㗎

郭富城、張家輝及內地女星江一燕，前晚和導演彭順到尖沙嘴出席新戲《同謀》首映禮，城城和家輝又再互送高帽，家輝大讚城城比之前更型仔，城城聞言亦讚對方說：「你今日都好容光煥發。」
該片稍後在內地上映，但近日上海、浙江等地爆發H7N9禽流感，城城會否擔心疫情？他坦言擔心，不過既然大家認真工作，自己會照去。但家輝聞言即說：「我唔去㗎，喺香港有嘢做，你（城城）都唔好去，做嘢都唔好㗎，我暫時都唔去大陸，惟有由城城撐住先。」城城笑言：「我夠義氣，你要請我食飯。」
城城透露不會拒返內地，昨日他便到內地為賽車試車，問到有否擔心疫情影響票房？城城表示：「咁又未必去到咁恐慌嘅情況，非典之後政府都做得好，唔擔心，我都有影響力，會叫fans同觀眾做好防禦措施先睇戲。」

家輝和城城相見歡，但一提到往內地宣傳，家輝竟說：「城城撐住先。」郭富城和張家輝的新戲前晚首映，祝酒預祝票房高開。郭富城和張家輝的新戲前晚首映，祝酒預祝票房高開。
城城自爆有細路
家輝被問到是否因囡囡才不敢返內地？他表示並非單為囡囡，大家應關注健康。城城風騷笑說：「我屋企都有小朋友，不過係家姐嘅。」家輝取笑城城說：「你隱瞞咁耐，家姐食咗死貓，小朋友攞身份證未？」城城笑指：「家姐連老人證都攞埋。」

內地女星江一燕獲提名金像獎女配角，但她不寄厚望。寰宇新人倪晨曦（左一）聯同其他嘉賓齊撐公司新作。
from:http://hk.apple.nextmedia.com/entertainment/art/20130410/18222445

郭富城（Aaron）、張家輝、內地演員江一燕、導演彭順及寰宇電影公司老闆林小明前晚出席電影《同謀》的首映活動，期間，兩位影帝級人馬Aaron及家輝與台上互笠高帽，Aaron讚家輝好細心，而家輝則指對方靚仔及用心演戲。提到現時內地的H7N9禽流感疫情繼續散播，Aaron坦言之後都要為此片到內地宣傳，自己都會盡量多注意，不過為了工作都不能避免返內地。

城城（左）與張家輝同為影帝級人馬，在台上互笠高帽。

對票房有信心
說到疫情可能會影響觀眾不敢入場看電影，Aaron淡定說︰「依家病情未到恐慌性，我見湯唯套戲喺內地同香港票房都好好，相信呢套都會好。」問他有否叮囑女友及家人要小心一點，他笑謂︰「講番套戲啦！我自己都要去大陸試車。」至於有家室的家輝則大唱反調，指健康最緊要，指自己因為要開工，故不用返內地宣傳，更笑言︰「我交晒畀阿城，最多返嚟我同佢遊車河，（人哋有女伴使乜搵你？）唔好講埋啲衰嘢。」問家輝是否因為有小朋友所以不敢返內地？他謂︰「唔關事，大家應注意健康，啲危險嘢交畀阿城。」

江一燕sell可愛
至於家輝會見美國名導演米高曼，他表示一星期前對方通過經理人聯絡他，又指只是初步聽部戲的故事，笑言抱着小fans心態見偶像，家輝又透露獲品牌Gucci度身訂造西裝出席金像獎，更指未試過着一套那麼合身的西裝。

一眾《同謀》演員及老闆林小明（左四）、導演彭順（右）為影片舉杯。

而有份角逐金像獎「最佳女配角」的江一燕謂︰「自己得獎與否，都想看到周迅攞獎，（搵咗性感戰衣未？）我不是行性感路線，會選揀可愛服飾。」
from:http://orientaldaily.on.cc/cnt/e ...0410/00282_050.html