扮韓國騎馬舞大叔PSY而人氣急升、有「港版PSY」之稱的錢國偉（Wilson），最近再度走到幕前與RoadShow合作，做完新年大使後，今次Wilson將會主持12集《傾多D Babies》，節目上將會連同蔡恩真、石天欣、文凱玲和「寸嘴Barbie」夏蔚喻邊玩邊食。日前他們出發到韓國4日3夜拍外景，為節目打頭陣，首度與他出埠的石天欣和文凱玲，大讚韓國之旅很好玩。
一眾𡃁模為錢國偉提早慶祝生日，齊齊推壽星公下水，認真搞笑。「寸嘴Barbie」夏尉喻深得錢國偉歡心，不少工作都預她一份。
「慣咗俾女圍」
前日Wilson在觀塘跟眾女拍宣傳照，談到今次的酬勞，Wilson笑笑口說：「都OK喇！如果幕前駕馭得到咪舒服啲，我覺得做主持真係好難，好彩我鍾意吹水，做幕後嘅成功感大好多！」聽聞節目中不乏內衣同泳衣的場面，Wilson笑說：「佢哋幾個會圍埋講女人心事，講我咪聽，我慣咗俾女圍，啲男仔見到實會想打我！」今日是Wilson的生日，他的女友陳苑蔚更好事成雙地帶了兩個蛋糕到場，為男友搞生日會，她笑稱：「佢鍾意同啲女過，冇女就唔舒服。」結果她們四個女仔相當識做，未埋位時個個浴袍加身，直到切蛋糕一刻立即除掉浴袍，享盡艷福的Wilson，切完蛋糕後被眾女踢落水，眼鏡直飛落池底，認真搞笑！
韓模蔡恩真擁有高挑的身材，難怪被錢國偉睇中，邀請參與節目演出。文凱玲（左）和石天欣首次與錢國偉出埠工作，她們大讚過程很好玩。
from:
http://hk.apple.nextmedia.com/entertainment/art/20130409/18221249
