從前長腳蟹呂慧儀事業心重，戰鬥格起來「事業線」更深更長，但自從前年尾嫁了給前香港先生黃文迪（Dickson）後，只可以間中性感，似乎事業心盡失，她說：「唔係，我都仲有㗎！就算第日生仔後，我都會繼續做㗎！𠵱家咁都幾好，拍一套劇，跟住停吓唞吓，過吓家庭生活，同老公拍吓拖。」
長腳蟹呂慧儀坦言將來就算生仔後，都會繼續拍劇，絕不會放棄演藝圈工作。貪吃的呂慧儀表示老公最愛督促她戒口。
人妻呂慧儀表示可以性感，但要經老公黃文迪檢定。資料圖片
督促減肥戒口
據知長腳蟹每次穿性感衫出席隆重場合，必須事先給老公過目，審批過關後方可性感示人，呂慧儀立刻為老公澄清說：「其實冇話唔畀性感，只係因為佢係健身教練，如果我着得肥，佢話會影響佢，所以每次揀衫，都要畀佢睇吓着得我肥唔肥先，性感係冇問題，但如果嗰件衫着得肥，佢就唔會批准我着，同個健身教練一齊係幾辛苦，食乜都篤住晒！又話呢樣高卡，嗰樣高脂，最慘我好鍾意食！」
from:
http://hk.apple.nextmedia.com/entertainment/art/20130409/18221304
