宅男女神苟芸慧擁有清純氣質，及34、25、35的豐滿身材，集魔鬼天使於一身，魅力不凡。但同時引來大班狂蜂浪蝶，先後與鄭嘉穎、謝天華、高鈞賢及郭富城等傳緋聞，最近又傳搭上有婦之夫，與潛水教練Stephen在車廂共聚20分鐘，可能擔心再惹「爛桃花」是非，苟姑娘昨日避談說：「已同公司溝通，唔係事實嘅事，我唔再回應。」
苟姑娘樣子甜美，緋聞未停過！對於跟Stephen車廂短聚，苟姑娘不作回應。
苟姑娘最近不用開劇，難得有假期卻未能玩個痛快，她解釋：「新劇要推遲到4月尾先拍，但前排唔知點解整傷膝頭，醫生話左腳有少少骨裂，但我份人睇嘢好正面，唔可以潛水、打波，就去睇電影、睇書同畫畫，我動靜都OK。」
問苟姑娘出席活動可會繼續穿高跟鞋？她笑說：「女仔為咗靚都要，唔好企太耐囉，我諗傷勢都唔係太嚴重，有信心好快好番。」她還打算在暑假期間返加拿大充電及慶祝30歲生日，暫離是非地。
from:
http://hk.apple.nextmedia.com/entertainment/art/20130407/18218998
