梁詠琪（GiGi）、周麗淇及鄭希怡昨日到屯門出席護膚品活動，即場示範製作健康食品，試食的小女孩更攬實GiGi，表示她的食品最好味，GiGi母性大發，與小女孩咀嘴。
梁詠琪穿連身褲現身，顯得肚凸凸，但她否認有喜。日前GiGi在台灣工作，被拍得獲西班牙籍老公Sergio全程陪伴做跟得老公，GiGi昨日表示因在復活節假拍廣告，故與老公同行，順道慶祝當地朋友的子女生日及遊動物園。有指她為造人而推掉台灣及內地工作，她說：「唔係特別推，有啲工作要長期離港，唔一定係同造人關係。」問今年生B？她說：「希望啦！蛇BB唔太期望，馬年啦，朋友話馬BB好，我屬龍，龍馬精神，不過唔急，享受自由自在，揸車四圍去，生仔後係另一個世界。」
梁詠琪有點肚凸凸，她表示是服裝問題，但最近的確吃得太多。
鄭希怡晒4卡婚戒
有指梁詠琪有意在台灣置業及與老公開西班牙餐廳，她直認與老公睇樓：「10年前已想買，多朋友喺台灣，唔需要成日租酒店，冇咁溫暖，睇咗多年都唔啱。」她表示不會移居台灣，因在港生B有家人照顧，但承認跟老公有生意計劃，包括開西班牙語學校、餐廳及旅行社，不過GiGi笑說：「最大計劃係生小朋友。」為造人，老公勸她放鬆工作，媽媽更燉黃耳與海珊瑚給她補身。
恨生BB的梁詠琪，昨日遇上小女孩，興奮咀嘴，母性大發。鄭希怡炮製食物時雞手鴨腳，但大家焦點已轉移至其右手近4卡的求婚鑽戒上。
GiGi日前在台灣開工，Sergio（左）全程做跟得老公，愛得痴纏。
同場的鄭希怡大晒手上近４卡求婚戒指，她表示與未婚夫為婚禮有爭拗，要交給姊妹團代為處理，她說：「我想喺室外，但怕落雨，佢話帳篷唔靚，話萬一落雨先算，冇影響感情，了解仲好咗。」鄭希怡表示未定婚期，但已揀好婚紗，待未婚夫減肥後，到外地的陽光與海灘拍婚照。
另外，周麗淇主演的無綫劇《女警愛作戰》被指翻炒橋段，周麗淇力撐劇集反映香港時事，又表示想挑戰演變態殺手角色，問敢演強姦戲？她說：「𠵱家敏感，歇一歇先，必要先做，唔係為賣點。」
from:
http://hk.apple.nextmedia.com/entertainment/art/20130405/18217030
