昨日是清明節，Beyond樂隊已故靈魂人物黃家駒位於將軍澳華人永遠墳場的墓地，早已放滿中港台fans的鮮花、朱古力和香煙，來自廣州的姓簡男fans帶同紙紮iPad、iPhone等拜祭家駒。
對於本報昨日報道Beyond成立三十周年紀念騷告吹，家強更感嘆：「對不起！沒有Beyond了！」簡先生說︰「我睇完報道好唔開心呀，我哋啲內地歌迷好想佢哋開騷，但係唔知香港有乜嘢渠道可以搵到佢哋，惟有透過網上同寫信去反映心聲。」香港fans吳小姐則說：「我未睇報道呀，如果真係事實嘅話會好可惜，我真係好希望佢哋今年再開騷。」台灣fans羅小姐亦說：「聽到真係好可惜，但係作為fans會尊重佢哋嘅決定。」陳百強的墓前亦有一名女fans前往拜祭。
不少粉絲趁清明節帶同鮮花、香煙和朱古力等祭品到將軍澳拜祭黃家駒。
有部份粉絲為家駒預備紙紮iPad和iPhone，甚至寫信給家駒。
何佐芝拜山大陣仗
另外，新馬師曾與葉世榮前妻墓地未見有人拜祭，梅艷芳位於省善真堂的靈位亦未見有fans，只見一個插滿竹兼貼上阿梅相片的花瓶。而商台創辦人、年屆94歲高齡的何佐芝，昨日帶同兒子何驥現身位於摩星嶺何東家族墓園，一行十多人帶齊燒豬及祭品拜祭先人。只見何佐芝手持柺杖，偶爾坐在石壆休息，他更遙遠向記者揮手。眾人逗留約四十分鐘後，何佐芝乘坐輪椅離開，並友善地除下帽子，三度向記者揮手示好。
歌迷對Beyond紀念騷告吹感到可惜。年屆94歲高齡的商台創辦人何佐芝，即使行動不便仍帶同兒子何驥拜祭先人。
from:
http://hk.apple.nextmedia.com/entertainment/art/20130405/18216976
