高海寧（高Ling）早前與黎耀祥、陳豪兩位視帝合拍無綫新劇《傳愛事務所》，大開眼界之餘更獲益良多，她說：「祥仔係首次合作，不過同佢嘅對手戲唔多，佢嘅記性超級好，法庭戲廿幾頁對白全部一字不漏，仲要有戲喎！」至於陳豪，高Ling早在《天梯》已跟他合作，遇上問題時更會問陳豪意見，高Ling說：「陳豪係好親切嘅人，唔會畀面色人睇，所以同佢合作好放鬆。」
高海寧跟陳豪與黎耀祥兩大視帝合作，令她獲益良多。高海寧努力鑽研演技，當然想跟黃子華能擦出火花。
高Ling在兩位視帝身上密密偷師，原因是挑戰在後頭，她下月會跟黃子華合作新劇，高Ling坦言：「有壓力㗎，陳豪、祥仔都係好親切嘅人，子華只喺活動上見過一次打過招呼，佢返無綫拍劇我都有份拍，真係好開心。」
猛人回巢拍劇，高Ling坦言如跟子華沒對手戲會很可惜，她笑說：「未知做乜嘢角色同子華有冇對手戲，如果冇，我會叫監製加一場畀我，等我可以欣賞吓子華風采，就算嗰場戲冇份，我都去探班，將自己變成一嚿海綿，從旁吸收佢嘅演技。」
from:
http://hk.apple.nextmedia.com/entertainment/art/20130404/18216106
