消失咗一輪嘅高海寧（高Ling），喺復活節終於復活，佢噚日着住露背低V短裙出席荃灣一個宣傳活動，女神性感出巡，當然吸引咗唔少龍友影相！講到咁耐冇見嘅原因，原來係佢最近忙拍劇，搞到曝光率低咗，𠵱家兩套劇都煞科，所以趁空檔努力接job賺外快。
高海寧收埋咪咪一段時間，復活節期間終於復活喇。高海寧露前又露後，大方晒玉背。
素顏後生10年
下個月又要開新劇，高Ling話詳情都未知，淨係知道同黃子華、徐子珊合作，要見完監製先清楚：「我梗係希望同子華有對手戲，可以偷吓師。」喜劇天份方面，高Ling話：「我覺得有，我唔介意做醜女，我想突破之前啲角色。」佢仲話唔介意啲露背嘅角色：「當然劇情需要先做，但係我最想挑戰吓其他。」至於會唔會素顏上陣，佢對自己素顏look有信心，仲好得戚咁話：「有朋友讚我唔化妝個樣好索，我都試過擺啲唔化妝嘅相上網，佢哋讚我唔化妝個樣起碼後生10年。」
from:
http://hk.apple.nextmedia.com/entertainment/art/20130402/18213858
