最近內地浙江衛視舉辦咗一個新節目《星跳水立方》，邀請32位中港台藝人到北京奧運主場館「水立方」比賽，酬勞好吸引，吳建豪都有參加。聽講每集酬金有近30萬港元，比一般節目高兩倍。聽講連張栢芝、阿雅都有份參加，幾日前栢芝已經喺香港秘密受訓，酬勞仲高達每集50萬港幣。
惜肉如金
噚日吳建豪上第七堂跳水訓練，節目請咗美籍教練指導。吳建豪雖有一身肌肉，但練跳水時好錫身，着晒潛水衣。佢朝早先利用跳床練習1小時空翻、抱膝，之後2小時練習跳1公尺及5公尺跳台。吳建豪集訓咗兩星期，佢話最驚跳板，加上日前家庭聚會時跌傷脊椎，佢話：「很像脊椎瘀青一直有人按的刺痛感，快要比賽了，吃消炎藥咬牙關繼續練，我不一定要贏比賽，還是能在空中轉幾圈，希望把動作做完美。」
from:
http://hk.apple.nextmedia.com/entertainment/art/20130326/18207320
