劉德華最近再拍道地飲品廣告，仲專程去咗泰國拍電視廣告㖭！華仔啲廣告一向都唔多用女主角，不過，今次導演就安排咗一位靚女同佢做對手戲，呢位靚女膚色黑白分明……黑白？因為佢係斑馬小姐囉！斑馬小姐天生怕醜，所以開工前一個月要進行「熟習人類」課程，起初佢同華仔都有啲生疏，甚至有時仲會發小姐脾氣，好彩華仔夠耐性，慢慢同斑馬小姐培養感情，到後來大家熟咗，斑馬小姐仲會跟住華仔四處走㖭！另外，導演又要求畫畫，華仔提議用手代筆嚟畫，估唔到畫出嚟嘅效果又幾好喎！
from:
http://hk.apple.nextmedia ... 130325/18206233
