快將踏入25歲的「警鐘模」Jessica C.（JC），出道以來憑一對警鐘胸而人氣急升，Jessica坦言喜歡模特兒工作，但深明model並非長遠的工作，故已立志做珠寶設計師，並親自設計訂情戒指送給男友。
樣靚身材正的JC大可以自己作首飾的生招牌。JC直言做model並非長遠的工作，故正密謀其他搵銀大計。
4月18日便踏入25歲的混血女模Jessica C.，夾着名模Ana R.師妹之名，以及豐滿身段和甜美樣子而火速走紅，而有無數走秀經驗的Jessica，在踏入25歲之齡希望來個突破，向來喜歡收藏首飾的她，最想當珠寶設計師，她說：「我講嘢鍾意好大動作，成日都騷到隻手，所以我好鍾意戴戒指同手鏈，同埋近年自己飛好多地方，帶咗畀我好多靈感，而且首飾嘅草圖亦畀時裝容易畫，加上我哋model經常都會接觸到珠寶首飾，所以我對珠寶設計師工作特別有興趣！」
鎖定鷹圖案
Jessica自言最想親自設計一隻訂情戒指送給男友，她甜笑說：「我已經諗定個圖案係鷹，因為佢好鍾意鷹，我自己都覺得鷹嘅戒指好酷！」
JC喜歡珠寶首飾，經常留意不同款式，從中偷師。
另外，Jessica又笑言閒時愛買首飾，平貴沒有所謂，最重要是款式，近期則愛上設計簡約的首飾，她續說：「設計簡約嘅首飾啱晒我設計入門嘅概念，我要欣賞多啲唔同嘅設計，其實係畀個藉口自己買嘢，哈哈！」
from:
http://orientaldaily.on.c ... /00282_070.html
