黃長發與鞋王三奶李姿霆Karen的不倫戀、富商劉定成過千張男藝員裸照，引爆港男「鴨」史。愈爆愈多，早前在《法網狙擊》強姦咪神高海寧、10年參選「香港先生」落敗的白健恩，上週末深夜竟現身天水圍酒店外涉賣淫，斷正時更嚇到狂奔。
本刊發現近日有人在同志聊天室，高調地向網友兜生意，主題為「付$三萬五起，可玩香港先生」。本刊與中間人成功聯絡，再在上週六（16日）相約在天水圍的嘉湖海逸酒店，中間人更稱只要付5萬5就可單對單任玩，組成8人團、每人3萬5，更可1對8，實在大膽！當晚現身的白健恩，被本刊拍下整個過程。
兩週前，本刊收到讀者報料，表示有人在同志聊天室高調地兜生意，可與香港先生性交易，在聊天室交談中，更指明是「姓白」的港男；過往7屆港男中，只有在10年參選的白健恩姓白。其後本刊成功與中間人聯絡，上週二（12日）在電話交談，商議交易細節，價錢出奇地高，1對1收費$55,000（兩個鐘，過夜收10萬），如果可以組8人團每人就收費$35,000，為什麼要8人？中間人說方便和白先生拆數。
驚到走
記者表明來意，白健恩突然轉頭就跑，喺天水圍公園希望撇甩記者，但最終都要企定定做訪問。
斷正求饒
一提到無線，近排上緊位嘅白健恩擔心到眼泛淚光，仲雙手合十，求記者唔好刊登有關報導。
大堂接上房
記者與身形高大的中間人在酒店大堂商討咗半個鐘，中間人亦透露自己是「第一次做」。
電話確認
記者假裝唔放心，中間人馬上打電話，對方在電話說︰「放心，我係白健恩。」記者試圖講價，中間人立即取回電話。
露骨內容
到達酒店前，記者再次跟中間人電話談話，對方提及的性服務內容非常露骨，但表明唔可以玩SM。
網上兜生意
讀者報料之後，本刊在同志網站與中間人聯絡，對方表明「姓白嗰個」及價錢，之後再和本刊記者電話通話，再相約上週六（16日）交易。
不停扯煙
記者跟中間人在大堂商議時，另一隊採訪隊已發現白健恩在酒店附近，白健恩唔係按電話，就係煙駁煙食唔停。
點玩都要用condom
31歲嘅白健恩，10年參選港男冇贏得任何獎項，但就成為無線合約演員，拍過唔少劇。
相約交易日期在上週六（16日），中間人事前已表明酒店地點要由他而定，選擇在天水圍的嘉湖海逸酒店，更要求前一日（15日），把房租$1,500存到指定戶口。上週六約11時多，本刊男記者到達之前，再和中間人通電話，要求與白健恩先在大堂見面，但遭中間人拒絕，中間人說︰「我驚佢俾人影到！」記者說沒有人會認得白健恩啩？中間人說︰「𠵱家梗係認到啦，TVB出鏡咁多。」
記者試圖講價，但中間人堅持$55,000兩小時服務，問到服務細節，中間人說︰「點玩都好都要用con（避孕套），底線係可以口爆，總之正常member（同志）做嗰啲嘢啦，佢15至20分鐘到，你哋係咪帶現金？」記者一心拖延時間，不停問中間人問題，問他是否跟白健恩先上房間？他說︰「我同佢上完房再落嚟，邊個到先咪接邊個先囉。」
加一位、減一萬
約晚上11時半，本刊男記者與另一名男攝影師到達酒店，在酒店門外確認了中間人，但對方見多了一人，起初亦有懷疑，但記者說只是即慶加人數，其後中間人不停用手機發短訊，之後表示如果兩個人的話，每人收費為$45,000，中間人說︰「你坐下先，之後中間人不停send短訊，又表示白健恩已經在附近等候。中間人表示整個交易過程，他都會在房間內，而收錢之前，更要求記者先脫清光，以免被偷拍，中間人更說自己是新手第1次做，記者問賣淫港男都是第1次？中間人只說︰「你唔好理！」更催促記者，價錢ok的話，就立即上房，在走廊見到賣淫港男才一手交錢。
解釋破綻百出
白健恩同翟威廉（右）係同屆港男，私底下亦好friend，之前威廉捲入劉公子醜聞，今次輪到白健恩，真係同病相憐。
網上圖片
其實在這個時間，本刊另一隊記者已發現白健恩在酒店附近徘徊，戴上棒球帽穿牛仔褲的白健恩不停行來行去，一直在馬路邊煙駁煙，又不斷通電話和按手機，等到攰又坐在公園的木凳，形跡甚可疑。
記者對中間人表示帶不夠現金，可否先付$55,000，之後再給尾數，但中間人堅拒，示意一個可先上房，但另一個就跟他一起去櫃員機過數。
記者假裝不安心，中間人主動提出︰「我叫佢同你傾一句。」之後中間人撥電話，跟對方說︰「喂，個客要求同你傾一句。」本刊記者接過中間人的電話，對方說︰「放心，我係白健恩。」而記者亦認出電話另一端聲音極似白健恩。之後中間人便搶回電話，不想記者跟賣淫港男講太多。其後，中間人帶路到天水圍酒店附近商場的櫃員機，記者終於表明身份，中間人突然發難，要記者安撫多時才平靜。
直至凌晨近1時，記者亦向仍然在酒店附近的白健恩，表明身份和要求訪問。
F︰《FACE》 白︰白健恩
F︰咁夜嘅？想同你做少少訪問。
白︰我都唔識你！
F︰其實我哋影曬，中間人亦講曬，有冇回應？
白︰冇回應。
F︰每次大約可以賺幾多錢？係咪第一次？你點識佢㗎？
白︰我唔識佢㗎！
F︰頭先有曬聯絡，拎埋戶口號碼喎！
白︰唔係我嚟㗎！（突然反方向奔走）
F︰有個agent喺網上面接生意，而你真係出現咗，我啱啱都同你講過電話。
白︰邊個係agent？咩係agent？
F︰你係唔係同意佢咁做？仲話可以畀8個人輪姦？其實當中你有咩苦衷出嚟做？
白︰其實我真係唔知情，佢講嘅嘢，我有少少覺得係講笑，求其應住佢嘅啫，我想知佢係一個咩人，講真定講假，我知道邊有咁大隻蛤乸隨街跳，我哋喺facebook識嘅，我要多人知道我嘅存在，所以我咩人都add。
F︰今晚嚟接客都肯？
白︰我……我唔係嚟接客，我希望你哋唔好出。（重複2次）
F︰怕唔怕俾無線知道？
「驚俾無線炒！」
白︰我好怕，（驚俾無線炒？）一來啦，唔想影響形象同前途。
F︰其實有冇咩苦衷？係唔係好等錢使？
白︰我唔想講咁多，因為愈講愈衰，我唔想解釋咁多，我只係希望你哋唔好登出嚟，求嚇你哋唔好……
F︰你都係第1次接客？
白︰好奇……好奇……我從來冇接，我𠵱家都唔係接。
F︰你同佢（中間人）識咗幾耐？
白︰其實喺網上傾咗一段時間！
F︰價錢你同佢有冇傾過？
白︰冇傾過，由頭到尾都係佢自己噏，佢噏畀我知，我冇答佢要啲咩、要幾多。
F︰但你頭先話如果兩個人肯減價喎！
白︰佢講之嘛，佢講咩都得，我唔知，我唔識嗰個人。（之前卻說在fb認識）
F︰夜麻麻走過嚟天水圍就係為咗好奇？
白︰咁啱得閒嘛！
F︰你係唔係同性戀者？
白︰我唔係！
F︰接男客你又ok？
白︰我冇接！
F︰使唔使即刻同樂小姐解釋？
白︰最好希望你哋唔好出啦！
F︰使唔使同中間人𠵱家對質？
白︰全部嘢都係佢自己講，佢約我出嚟，叫我喺度等，我喺度等就見到你哋喇，我以為佢係fans……
F︰你講埋恒生戶口號碼畀佢喎？
白︰嗰個……其實係因為佢爭我錢……
F︰咁你之前又話唔識佢？其實點爭你錢法？
白︰（愈講愈亂）因為佢話佢會過數畀我，佢就係講咗啲接客嘅嘢，我話好呀，你有錢就過啦……
F︰又話爭你錢？
白︰如果我真係做嘅話，佢咪爭我錢囉，咁我冇做到，佢咪冇爭我錢囉。（開始語無倫次）
F︰你有痛腳俾人揸手？
白︰冇，你哋可唔可以高抬貴手呀？
上週二（12日），白健恩在銅鑼灣出席活動之後，先與女友人到附近一間茶餐廳開餐。
12/3
後巷煲煙
分開之後，白健恩一個人行到後巷食煙，再行去世貿買嘢，3點幾再去做gym，6點幾先上的士走人。
約女開餐
上週二（12日），白健恩在銅鑼灣出席活動之後，先與女友人到附近一間茶餐廳開餐。
本週一（18日），傍晚時分記者致電白健恩經理人問回應後，白健恩連原先在微博公佈話會出席的「亞洲電影大獎」，亦冇現身行紅地氈，似乎不想被記者追問。
演藝出身
31歲花名小白的白健恩（Ronan），曾於香港演藝學院主修音樂劇舞及到紐約進修舞蹈戲劇表演，畢業後一直做舞台劇，亦兼當導師教跳舞。10年落選港男後，與無線簽下普通藝員合約。11年開始拍劇，參演過多套電視劇，《潛行狙擊》、《怒火街頭》等，可惜一直未有代表作，直至去年中於《法網狙擊》，飾大奸角陳煒細佬，劇中憑強姦高海寧才響朵。
強姦高Ling
在《法》中白健恩迷姦34D乳神高Ling，二人在床上連場肉搏的一幕成為網友熱話。
內褲演出
白健恩擅參演舞台劇，曾與梁小冰合作，他在《伊甸禁章》中更只穿內褲大膽演出，亦在基劇《突然獨身》演同志。
《女警》過鏡
憑《法》劇彈起，但白健恩仍舊繼續做閒角，喺《女警愛作戰》第一集中，只得一幕閒角。
白健恩經理人硬撐
F：白健恩點解釋當晚發生咩事？
T：佢嗰晚已經打畀我交代咗，佢話係去搵一個好耐冇見嘅朋友，所以出去（天水圍），等咗10分鐘唔見人，打畀佢又冇聽，呢個時候你哋就出現，佢咪跑走。
F：你會點處理呢件事？仲會繼續同佢合作？
T：唔相信佢會做呢啲事，你哋有乜證據呀？同證據係乜吖？得啲電話錄音點證明係佢？我夠可以扮其他artist把聲啦！
上週六深夜被記者撞破個多小時後，經理人Tiffany即在微博回應：「有我在，別怕！」
拍男人屁股私相
白健恩參選時已被爆出拍過唔少性感相，當中更有與肌肉男沙灘肉照，白健恩更拍打男友人屁股。
港男劃清界線
港男做「鴨」傳聞已不是新鮮事，如今白健恩涉接客斷正，成班港男當然要劃清界線，07年冠軍袁偉豪話同佢唔熟，但首屆港男冠軍高鈞賢則坦承曾有人撩港男「秘撈」。
'05 高鈞賢
本身同佢（白健恩）唔熟，呢啲新聞都唔係第一次啦，梗係對「港男」有影響，𠵱家公司都停咗搞一年，自己要keep住「港男」好形象！之前都有人撩過「飯局」，我乜都會叫經理人在場，最重要自己小心！
'07 袁偉豪
嚇，冇聽過喎，同佢唔熟唔清楚佢嘅嘢，點都會影響「港男」形象，所以惟有自己做好啲啦！
'10 翟威廉
譁！咁重口味點答你吖，我哋同屆唔多唔少都幾friend，我冇回應呀，我只會答白健恩唔會嘅！
港男醜聞多
由05年至今舉行了7屆的「香港先生」，上年宣告停辦一年。「港男」舉辦以來一直是非不絕，除了第一屆落選港男彭冠期傳被《安非他命》導演雲翔及林保怡照顧，但最經典必屬去年的劉公子影裸照事件轟動全港。
劉公子任影
「劉定成非禮案」中有傳不少「港男」自願被劉公子影裸照摸下體，除了曾被劉公子大讚「成熟靚仔」的羅仲謙有份外，其中彭冠期、袁偉豪、翟威廉等，多達十多位「港男」牽涉在內，本刊於週一（18日）曾致電劉公子，惜一直未聯絡上。
長發三奶互數
港男醜聞另一經典，一定係09年黃長發搭上大16年的鞋王三奶Karen，當年有指他靠出賣肉體換取每月5萬生活費，及有疑似艷照流出。兩人分手後更分別互揭對方陰私，而三奶跟鞋王的官司仍在進行中。
