鍾楚紅前晚在中環出席活動，重溫當年和哥哥張國榮最愛到法國買家居擺設的窩心逸事，身為虔誠天主教徒的她，大讚方濟教宗上場，帶來一番新氣象。同場的徐淑敏自爆老公愛碌卡儲分，買樓首期一樣照碌。
紅姑鍾楚紅前晚在中環出席信用卡活動，成為該店第一個黑卡卡主的她說：「我好鍾意碌卡，特別係旅行時，但我好謹慎，唔會碌爆卡。」她在活動後趕往拍短片，在哥哥張國榮演唱會上演：「會講番同哥哥一齊嘅開心片段，最難忘係一齊拍外景，我哋喺法國會去shopping買嘢，買家居生活嘅擺設，度過好開心嘅時光。」紅姑指沒有往拜祭哥哥：「但佢成日喺我心入面。」
紅姑前晚出席活動講開故友張國榮，細數當年同哥哥一齊喺法國漫步家品小店、閒話家常嘅難忘事，點滴思念在心中，回憶總是最美好。紅姑當年曾和哥哥到巴黎拍音樂特輯，更趁機花都漫步。
徐淑敏換靚仔保鑣
紅姑表示最近赴東南亞等地旅遊，復活節則會留港：「因為教堂方面要參與彌撒。」新教宗方濟上場，虔誠天主教徒的紅姑大讚：「好好！將個教會嘅傳統改咗，有一番新氣象，同埋因為佢嘅關係，更多人成為教徒。」至於拍片，鍾楚紅指看了許多劇本，但沒有心水，亦不想重複過去的角色，故未有落實，問到感情可有着落？她開懷大笑：「你睇我咁款就知冇啦！」
同場的Mandy Lieu以透視黑裙搶鏡，徐淑敏身邊則換了一位年輕保鑣，她笑言：「新嘅，幾靚仔，係老公安排，充撐場面喎。」她謂已經習慣保鑣跟身：「咪當一齊返工囉，𠵱家有三個保鑣，當創造就業機會啦。」提到信用卡，徐淑敏指老公極愛用信用卡：「佢有儲卡習慣，有超過30張卡，我都有10張，佢每個星期會話我聽，周一至周五有乜嘢優惠，我唔記得嘅話，佢會好失落。」她指自己每月碌卡達六位數，老公則碌夠七位數：「連買樓首期都照碌！」
徐淑敏請了靚仔黑超新保鑣，她樂於僱用保鑣，創造就業機會。Mandy Lieu約滿舊公司後，近日頻頻性感出動，非常搏殺。
from:
http://hk.apple.nextmedia.com/entertainment/art/20130322/18202989
