大女慶生變大長今，徐淑敏鬼片馴服囡囡

咪神徐淑敏昨日在荃灣出席活動，透露上周六一家四口齊為大女Vianna開3歲生日會，Vianna以大長今造型現身。談到近日的倫常慘案，Suki指大女有暴力傾向，揚言要用鬼片來嚇囡囡要聽話。

咪神徐淑敏（Suki）升呢做人母後，經常把兩位愛女掛在嘴邊，昨日她在荃灣出席商場活動時，透露上周五是大女Vianna的3歲生日，她與老公黃浩上周六在清水灣鄉村俱樂部為愛女舉行生日會。Suki直言為愛女生日會主題傷腦筋，而且更要每年構思兩次：「好似今次原本想搞芭蕾舞主題，不過Vianna扭傷腳，惟有改扮大長今。套衫係嫲嫲之前去韓國買返嚟，雖然佢冇睇過套劇，但係我有教佢韓國人點跪拜行禮。」

徐淑敏與老公黃浩上周六為大女Vianna在清水灣俱樂部舉行生日會。大女Vianna與妹妹Renee（左）分享蛋糕，有家姐風範。

廿四孝媽媽徐淑敏與小朋友齊玩肥皂泡，充滿童真。徐淑敏昨日出席活動坦言讓老公婚後逢周五仍可跟朋友耍樂。
以身作則
近日兩宗倫常慘案，Suki認為是沉迷打機的後果，她曾指大女有暴力傾向：「佢大個就溫柔咗好多，不過兩個好蠱惑，以為我哋冇望住就會打架。身為父母要以身作則，𠵱家唔可以打，要𠱁多啲。」她揚言會用鬼片來嚇女兒要聽話。
對於日前老公黃浩被指與日模田代麻衣及久保杏奈夜蒲，high爆晒腩，Suki說：「結婚前都話星期五畀佢出去見朋友，佢好乖，所以都信佢、由得佢。佢有同我解釋，話揭件衫係俾朋友話肥咗，所以佢都有啲尷尬。」至於無綫將為曾志偉賀壽，Suki表示不回應。
from:http://hk.apple.nextmedia.com/entertainment/art/20130319/18199635

徐淑敏（Suki）與老公黃浩自去年爆出飯局風波後轉趨低調，不過黃浩上周被《好報》獨家追蹤到率領性感日模陪友夜蒲，表現亢奮。Suki昨日出席活動時聲稱婚前協議每周一日各有各玩，對黃浩投下信心一票。

徐淑敏表示老公不嬲都好乖，對他投下信心一票。黃浩被拍到在酒吧內表現亢奮。

徐淑敏昨日在荃灣悅來坊化身旅遊大使主持開幕禮，還在台上甜絲絲表示期望老公黃浩帶她觀賞北極光。不過《好報》早前獨家拍到黃浩拋低Suki，率領日模久保杏奈及田代麻衣到酒店酒吧招呼老友，兩女更向黃浩的男友人投懷送抱，「擒、啜、磨、騎」春色無邊，坐在一旁的黃浩也看到褲頭鬆脫，另一邊廂的Suki則落寞地與友人看戲。

對此，Suki表示老公已向她備案及看過《好報》報道：「老公起初尷尷尬尬唔敢畀我睇，到我睇完後忍唔住指住佢笑。其實同我一齊睇戲嗰個係我姑奶，我想睇《孤星淚》但唔啱佢（黃浩）睇，一啲都唔落寞。」

提志偉封嘴
Suki聲稱婚前與黃浩協議每逢周五可相約同性友人各有各玩，但其實黃浩被拍到帶隊出征當晚是周日凌晨（3月10日），似乎口供不夾！而二人上周六才為長女慶祝3歲生日，力證與老公感情未有轉淡。問她可擔心有女人主動向黃浩埋身？Suki鎮定表示：「唔會啩！佢名草有主喇喎！佢不嬲都好乖，唔會同女仔太Close，就連我啲朋友都讚佢係好男人。」另外，無綫下月將發動全台藝員為60歲生日的曾志偉拍攝特備節目賀壽，問到仍與無綫有合約的Suki可會出席，她避忌表示「唔回應咁多」。
from:http://orientaldaily.on.cc/cnt/e ...0319/00282_035.html