鄭伊健和蒙嘉慧新婚後大晒恩愛，至於舊愛梁詠琪（GiGi）亦不執輸，經常和西班牙籍老公Sergio形影不離。前晚GiGi穿上貼身裙出席活動，一向纖瘦的她明顯豐滿不少，腰粗肚凸，擺明養好身體準備和老公開工造人，迎接新生命來臨。
梁詠琪前晚穿上貼身裙到尖沙嘴出席爐具活動，即場跟外籍廚師學整甜品，有板有眼。自從成為人婦後，GiGi坦言花了很多時間在廚房，以前無人相信她會下廚，但現在卻經常宴請朋友回家品嚐自己的廚藝，GiGi說：「通常都係我同老公一齊整西班牙菜，而自己主力整甜品，因為男人冇咁細心，我唔使老公插手。」她坦言婚後和老公Sergio如孖公仔，很多事情也會一起做，其中當然包括下廚及洗碗。
梁詠琪微微彎身請教外籍甜品廚師時，不經意露出肚腩及巨籮十足有喜一樣。
幸福人妻梁詠琪前晚着條貼身裙出嚟，手臂、肚仔同臀部都明顯發福咗唔少，擺明養好身體同老公Sergio造個混血BB喇。
近日變身為煮飯婆的梁詠琪，坦言經常孖住老公Sergio（小圖）煮飯仔。
不排除意外懷孕
現場見GiGi明顯豐滿不少，特別是腰和臀部，她聞言表示：「係少少，今日已經瘦番啲，因為下月要開戲，所以暫時都唔可以造人住。」GiGi會接拍彭浩翔的新戲，預計要拍到7月，但若這段時間意外懷孕怎算？GiGi直言：「如果有咗，都係開心嘅意外，我都已經ready好。」擺明恨生BB恨到發燒。
至於彭浩翔的新戲題材會否如《低俗喜劇》引起中港矛盾？GiGi謂：「套戲叫《香港仔》，係一個地道嘅香港故事，應該唔會有矛盾。」可需要爆粗？GiGi謂應不需要，但若劇情需要她亦不介意，還會預先練習。GiGi指Sergio知她拍新戲很開心，因這並非合拍片，不需中、港兩地飛。
GiGi早前亦和Sergio一同看《低》片，問到粗口怎樣繙譯給老公知？她笑說：「好彩有英文字幕。」
from:
http://hk.apple.nextmedia ... 130316/18196685
