樊少皇買西裝，賈曉晨揸車侍候

賈曉晨（JJ）同樊少皇撻着之後一直戀愛大過天，近日有傳JJ私自接job而激嬲老闆陳百祥（阿叻），令阿叻想唔同JJ續約。JJ日前就露口風話恨嫁：「如果事業冇太大進展，可能考慮結婚。」雖然JJ恨嫁，但原來樊少皇未ready同JJ結婚。

暫未想娶妻

噚日下晝3點，樊少皇一個人喺中環置地廣場一間男士服裝店買西裝，佢又試西裝又試領呔，跟住叫店員幫佢用手機影相，然後猛傳微信，估計係send畀JJ過目畀意見。樊少皇攞住袋戰利品離開時，記者問到佢JJ話如果事業冇太大進展就考慮結婚，樊少皇反問記者：「佢真係咁講？」之後佢話：「其實大家以工作為主，其他嘢唔諗住。」好明顯向JJ拒婚。

樊少皇噚日喺置地廣場試西裝，呢個斯文look真係好少見。DV圖片
暫未想娶妻

噚日下晝3點，樊少皇一個人喺中環置地廣場一間男士服裝店買西裝，佢又試西裝又試領呔，跟住叫店員幫佢用手機影相，然後猛傳微信，估計係send畀JJ過目畀意見。樊少皇攞住袋戰利品離開時，記者問到佢JJ話如果事業冇太大進展就考慮結婚，樊少皇反問記者：「佢真係咁講？」之後佢話：「其實大家以工作為主，其他嘢唔諗住。」好明顯向JJ拒婚。

店員用手機幫樊少皇影相，好明顯係樊想send相畀女友睇。邊買嘢邊微信，唔使問阿貴，樊少皇應該同緊JJ傾偈。

樊少皇離開舖頭時話唔諗結婚住，咁JJ咪好失望？

JJ噚日做柴可夫接樊少皇，佢兩個都戴黑超同着黑色皮褸，呢個情侶裝打扮，真係襯到絕！

樊少皇買完嘢後，JJ就做柴可夫揸部GTR嚟接男友，二人都着住情侶黑皮褸襯黑超，問JJ係咪想結婚？佢就改口風話：「其實以事業為重先。」另外，前日白色情人節，JJ喺微博大晒同男友合照，不過之後佢好快刪咗張相。
from:http://hk.apple.nextmedia ... 130316/18196705

盛傳等嫁無心戀戰娛樂圈的賈曉晨（JJ），白色情人節和男友樊少皇徹夜慶祝後，昨日再做跟得女友，親自接載男友去試衫，愛得癡纏的兩人，試衫期間都要send相傳情，其後被問及婚訊，兩人夾晒口供甜絲絲地表示要專注事業。

JJ揸跑車兜樊少皇前往濕平。JJ被問到婚期，表示以事業為重。

最近盛傳JJ私自接工作激嬲阿叻，約滿後不獲續約，而阿叻最近亦改為捧巨乳楊焉（前名楊梓瑤），至於JJ則一度揚言如果事業沒有太大進展，可能考慮結婚。JJ講得出做得到，我行我素的她繼續戀愛大過天，前日白色情人節，JJ於微博大晒和男友樊少皇的親暱合照，兩人徹夜在女方香閨慶祝，至昨日下午3時始穿上情侶皮褸一臉倦容地離開寓所。

戴上黑超的JJ親自駕駛其日產戰神GTR白色跑車，為男友擔任司機，兩人直往中環，JJ在商場門口放低男友，只見樊少皇獨自步入一間男裝店試穿貴價西裝，愛得癡纏的兩人，見少一刻也嫌多，樊少皇試衫期間要求店員幫忙用電話拍下穿上新裝的樣子，然後火速傳給女友過目，試足45分鐘後他步出商場，JJ已坐在車上在外等候，認真廿四孝女友。

樊少皇請店員為他拍照，然後發相給JJ過目。

被問婚期冧笑回應
記者上前問到樊少皇有關JJ想結婚的言論，他說：「吓！佢咁講？（你有冇同佢提過結婚呀？）呢個時間大家都係專注事業，亨受吓拍拖生活。」語畢登車和JJ再返愛巢，及至到寓所樓下記者再追問JJ是否有意結婚？她似是和男友夾晒口供，一臉甜絲絲地說：「暫時都係以事業為先，（頭先試西裝係咪結婚用？）唔係！佢做嘢啫，（白色情人節點過？）我要做嘢，之後去睇咗場戲。」然後齊齊回家。
from:http://orientaldaily.on.c ... /00282_055.html