劉鑾雄（大劉）噚日如常去灣仔福臨門食晏，可能近排天氣熱，佢將頭髮剪得好短。大劉嘅瘋狂粉絲Alice繼續喺門口等大劉，不過今次就冇乜表示。大劉到達後15分鐘，佢嘅紅顏知己甘比帶埋囡囡劉秀樺嚟到，秀樺眼仔睩睩咁拖實媽咪，甘比換上低調嘅全黑色夏裝，腳踏船踭涼鞋，生完BB之後已經慢慢收番身。甘比家姐陳詩韻同細妹陳諾韻亦一齊嚟食飯，大約食咗個半鐘，三姊妹就帶住秀樺走先，然後大劉先至同金融界猛人袁天凡同潘迪生一齊離開，相信佢哋係一齊飯敍。莊紹綏同楊受成亦分別同友人現身酒樓。
from:
http://hk.apple.nextmedia.com/entertainment/art/20130314/18194323
