鍾鎮濤（B哥）日前難得放假，便親自接囡囡鍾懿放學，兩父女再到中環逛街，不過，B哥邊拖囡囡邊玩電話，似乎被囡囡「詐型」，鍾懿即皺起眉頭對住爸爸口噏噏，非常可愛。
B哥一隻手拖住囡囡，另一隻手不停篤電話，囡囡即皺晒眉頭口噏噏「詐型」。B哥不停與友人玩微信。
廿四孝爸爸鍾鎮濤，每逢放假都會與家人去旅行聚天倫，閒時在港亦會陪女兒行街食雪糕，一家幾口相處融洽。他與女友范姜所生的8歲女兒鍾懿，更深得父親真傳，遺傳了一把靚聲，去年二人父女檔上陣灌錄合唱歌，大受歡迎。
耐心解答問題
日前下午4時許，B哥就趁着不用工作，親自接女兒鍾懿放學，再帶她到中環行街街。沿途B哥拖住囡囡，兩父女邊行邊傾偈，求知欲強的鍾懿，每當看到新鮮事物都會向爸爸發問，相當可愛，而B哥亦會細心逐一解答。其後兩人進入了該處一幢大廈，約20分鐘後，見鍾懿手上拿着白色背心袋，內裏似是裝有麵包。
兩父女步行往等車之時，B哥一邊拖住囡囡，一邊用手機玩微信通話，原本笑面迎人的鍾懿，似乎不滿爸爸掛住玩電話，期間口噏噏兼皺晒眉頭，B哥即「妥協」放低電話，鍾懿再次露出天真笑容。
from:
http://orientaldaily.on.cc/cnt/e ...0312/00282_030.html
