鄭伊健護妻轟無綫，冇人情味

鄭伊健昨日出席記者會，談到新婚老婆蒙嘉慧（YoYo）被指因過檔王維基的香港電視而觸怒無綫，結果YoYo被無綫封殺不用她為即將推出的《仁心解碼II》宣傳，伊健聞言力撐老婆，批評無綫安排及舉止奇怪。

鄭伊健、王菀之、劉浩龍及林德信等昨到尖沙嘴，出席澳洲旅遊發展局舉辦的「全世界最筍的工作」招聘活動記者會，當眾人得知筍工每份只需做六個月，但薪酬連生活費有十萬澳元（約79萬港元），即笑言心郁郁想應徵，伊健笑指若受聘會帶老婆蒙嘉慧同行。

蒙嘉慧慘被無綫封殺唔使佢為新劇宣傳，身為老公嘅伊健噚日都忍唔住出口指無綫安排怪，擺到明撐老婆喇。（左起）劉浩龍、林德信、王菀之、盧凱彤及伊健笑言爭住做筍工。
爆跳槽人工好
提到有傳YoYo月底滿約無綫後，因過檔王維基的香港電視而觸怒無綫，即使YoYo已安排時間為即將播出的無綫劇《仁心解碼II》宣傳，但仍被無綫封殺，不用現身宣傳活動，伊健維護老婆說：「TVB係個機構唔會小器，但邊個處理就唔知，覺得有小小奇怪，呢邊廂傾續約，那邊廂就咁，究竟係點呢？」
伊健指YoYo過檔一事只是傳聞，更代YoYo透露兩邊人工也不錯，至於去留還是交由YoYo的經理人洽談。問可覺無綫冇人情味？伊健謂：「有啲嘢要養住，人心肉做，對待人好啲，大家都好啲。」他更否認開玩具公司交由YoYo打理。昨就伊健的評論致電《仁心解碼II》監製羅永賢，但至截稿前未獲回覆。
另外，容祖兒被指屈就到劉浩龍家過夜，劉浩龍謂：「我哋係一般情侶，好普通，大家畀空間我哋啦，但寫細咗我間屋。」他亦否認五月跟祖兒同遊美國，因他有工作在身。
from:http://hk.apple.nextmedia.com/entertainment/art/20130312/18192016

婚後的鄭伊健變了「愛妻號」，昨日現身活動，對無綫不用蒙嘉慧（YoYo）出席新劇宣傳，伊健指無綫既想YoYo續約，卻又禁她宣傳，直斥無綫處事奇怪，誓要為愛妻護航。

鄭伊健自嘲已超齡，無緣爭澳洲筍工。

鄭伊健、林德信、劉浩龍、王菀之和盧凱彤昨日出席澳洲旅遊局「全世界最筍的工作」的招聘活動，五位推廣大使均對份澳洲筍工有興趣，而伊健則自嘲已超齡，但相信若他願意當地旅遊局都會為他安排，更會帶太太YoYo一齊去。

講誠意唔睇錢
不過，講到有傳YoYo過檔王維基旗下，無綫新劇《仁心解碼II》即不用YoYo參與宣傳，可覺無綫做法小器？伊健直言：「TVB係一個機構，機構係唔會小器，唔知邊個人處理，佢哋有少少奇怪，一邊叫人續約，一邊又唔畀人宣傳，咁點續約呀。」

劉浩龍（左起）、林德信、王菀之和盧凱彤等齊出席招聘活動的宣傳。鄭伊健為妻子YoYo出頭，指無綫處事奇怪。

問到YoYo是否已簽王維基？伊健謂：「傳啫，好多嘢要講誠意唔係睇錢。（TVB冇人情味？）我識好多當年戰友都離開咗無綫，有好多嘢唔需要講出嚟先改變，要『養住』，正所謂人心肉做。」伊健更說出面的條件好好，會度身訂造角色讓演員發揮。而亦有指YoYo為伊健打理玩具店生意？伊健澄清：「唔知點解會咁傳，我係鍾意玩玩具，但唔會將興趣變成生意。」

賺多啲先拍拖
另外林德信（Alex）被追問早前生日派對兩位緋聞女友松岡李那及王秀琳（Mango）齊現身？Alex坦言當晚除兩人外，還有大班男女朋友，指兩人都是靚女。問到發展機會？Alex謂：「唔會，朋友咋，我想賺多啲錢先諗拍拖。」
from:http://orientaldaily.on.cc/cnt/e ...0312/00282_024.html