不少人愛尋求刺激玩意，愈高危愈要玩，Mandy Lieu和「千語BB」吳千語均屬膽大一族，BB揚言熱愛潛水，而Mandy則大膽得多，會玩滑翔傘。
《護膚品牌活動》
Mandy Lieu：「我最鍾意就係玩刺激嘅活動，好多高危活動都好好玩，我最想玩滑翔傘。」
至於膽小一族的諸葛紫岐則對潛水和笨豬跳都say no。
諸葛紫岐：「笨豬跳一定唔會玩，就算安全，對身體都唔好，對骨頭唔好，所有高危活動唔會玩，控制唔到唔會玩，如潛水唔知會發生乜嘢意外，跳傘萬一開唔到傘點算！」
《化妝品牌活動》
吳千語：「我平時都有去啲熱帶地方潛水，講到高危活動，我就一定唔會跳崖，因為好危險，我怕死。」
歌手吳若希：「其實自己好多危險活動都唔玩，喺空中跳傘就一定唔會玩。」
《廚具品牌發布會》
王君馨：「我唔可以做倒立，所以一定唔可以玩笨豬跳，腦好易充血，倒立一陣就會成面紅晒，好似就快爆炸咁，我覺得會爆血管。」
《慈善步行日》
港姐張名雅：「高跳傘好危險，曾經喺草地同媽咪一齊睇爸爸跳落嚟，雖然有教練一齊但都覺得好危險，當時都好驚，好擔心，自己就唔會試。」
港姐黃心穎：「覺得潛水反而危險，因為聽過好多潛得太深令耳膜受傷，最驚，唔會試。」
From:
http://orientaldaily.on.cc/cnt/e ...0310/00282_060.html
