容祖兒、劉浩龍拍拖大半年，雙方關係有增無減，入晒屋之餘，劉浩龍在短短日子內，已得到Joey媽確認未來女婿地位。
為爭取過二人世界，擁有二億物業、家住三千多呎半山豪宅的天后Joey，紆尊降貴，頻頻摸上男友位於大坑道，只有五百呎的舊樓單位，溫馨過夜。
早前為拍劇土法增肥減肥，搞到心臟、血壓都出問題的劉浩龍，不但有女友陪行山做運動，五月Joey飛美修讀短期課程，亦plan定包埋男友，孖住同行。
過完一晚夜，Happy完之後，祖兒冇換過衫，同男友落跑馬地開餐。
28/2 1:30pm
見有人影相，祖兒相當大方，反而男友鬼祟，擰歪面避鏡頭。
食晏期間，祖兒同劉浩龍雞啄唔斷，祖兒更不時含情脈脈望住男友。
分頭走
被記者撞破好事，劉浩龍先行離開，又突然扮友善同記者揮手，留低女友同助手埋單。
纏綿十八小時
上週三（二月二十七日），容祖兒放假，約好助手下午茶時間出發到金鐘太古廣場shopping，對住大批換季新貨，但她似乎不太感興趣，大部分時間都在講電話，傾到眼都識笑，唔使講，另一方是劉浩龍。
巡鋪大約兩小時，只在Joyce及I.T掃了幾袋衫，六時半左右，Joey收到一個電話後，便急急拉住助手離開，坐保母車直駛到劉浩龍位於大坑道的寓所。
在男友家中逗留接近十八小時，二人終於出動，劉浩龍駕着寶馬坐駕，載女友到跑馬地開餐。
同一時間，Joey的助手一早已到達跑馬地，在附近查察是否有可疑記者，安檢完才通知Joey落車，而劉浩龍則把坐駕泊到雲地利道的錶位。
現場所見，Joey的裝扮，與前一日shopping時一模一樣，並未有換衫。
二人選擇到一間叫Happy Valley Bar& Grill的餐廳，由於餐廳位置十分開揚，他們選擇坐在最隱蔽的角落位，又以背向着門口，其時餐廳內的食客大部分都是外國人，二人雞啄唔斷，Joey更不時一副嘴角含春樣，望住男友。
27/2 5:30pm
當日放假的祖兒，著住間橫衫到太古廣場行街，全程電話不離耳，講到頭都歪埋。
7:15pm
行完街祖兒趕住坐保母車到劉浩龍大坑寓所，陪男友過夜。劉浩龍寓所有成四十六年樓齡，面積得五百多呎，月租萬八。
愈拍愈揚
容祖兒劉浩龍拍拖未夠一年，由最初閃閃縮縮外遊拍拖，至近月開始愈來愈高調，先後被拍得拖手行山及睇戲。
蘇梅分艙坐
去年6月，Joey和師兄被踢爆暗撻，二人秘遊蘇梅，租住當地獨立屋酒店，玩足四日三夜，回程時，一個坐頭等，一個坐經濟艙，以避耳目。
遊韓國日本
有網民踢爆二人雙雙遊韓國及日本，落機時，知道機場有大批傳媒守候，臨時改由東京飛往深圳，再轉車返香港，成功擺脫追訪。
十指緊扣行山
拍拖半年，Joey和師兄開始減低戒備，被拍到雙雙在寶雲道十指緊扣fing住手行山，有指二人當日更順道拜姻緣石。
東涌睇戲
去年聖誕，Joey約埋好友Wyman與師兄齊齊到東薈城行街睇電影《孤星淚》，更明目張膽陪Wyman到人極多的美食廣場醫肚。
女友請食晏
其後發現有記者影相，劉浩龍下意識耷低頭又擰歪面，十分避忌；反而Joey就好大方，面露笑容任影。
見Joey不在意，劉浩龍才稍為放下戒備，向記者揮手扮友善。食了接近一個鐘，劉浩龍食飽走先，五分鐘後，Joey埋單，盛惠四百多元。
「Joey由開始到而家都冇介意過師兄（劉浩龍）同自己身份有距離，佢覺得只要係真愛，唔應該計較咁多。其實好多時Joey可以留師兄喺自己屋企過夜，Joey媽都OK，但師兄自卑，覺得留喺女友屋企過夜唔係咁好，所以Joey有時寧願自己屈就去師兄間得五百幾呎嘅舊樓過夜，有時一星期起碼去兩三晚。」Joey身邊
人說。
容祖兒對劉浩龍在所不計，自從二人拍拖後，刻意減低工作量，去年只出了一張國語唱片，無時間做廣東碟，令她在IFPI銷量頒獎禮上敗給後輩G.E.M.，無得冧庄做「最高銷量女歌手」。已志不在獎的Joey，寧願花時間學煮餸，餵飽劉浩龍。
18/2
祖兒一副行山裝備，上了劉浩龍的坐駕，直駛往山頂方向。
微博傳情
兩人間中會在微博上傳情，好似情人節祖兒就上載了劉浩龍所送的鬱金香相片，祖兒更明目張膽在男友微博上留言打氣。
包美國陪玩
由於已lock期年底在紅館舉行跨年演唱會，公司安排了容祖兒於五、六月間到美國修讀短期跳舞課程，為免分隔兩地，據知Joey已密謀包起劉浩龍一齊飛美，順道拍拖遊埠。
「Joey對師兄真係好好，知道師兄搵錢唔多，從來冇要求男友送名貴禮物，只係間唔中要佢送吓啲平價飾物同iPhone殼，全部幾百蚊貨仔；反而Joey就成日送名牌衫，郁吓都幾萬蚊。好似之前佢哋一齊去日本、韓國旅行，師兄嘅機票都係用Joey啲miles換，盡量都唔想男友亂使錢。」Joey身邊人說。
與天后拍拖，劉浩龍名氣有所提升，但外界十居其九認為他高攀Joey，加上被英皇老闆楊受成指別有居心，戀情對他工作運完全沒有幫助。早前在電影《末日派對》中做完大配角後，便再沒有其他工作。
一月叱咤頒獎禮上，祖兒同劉浩龍破天荒合照，但影咗一陣，祖兒即被唱片公司人員拉走。祖兒一家對劉浩龍都十分接受，經常全家人一齊食飯。
2/3
祖兒去完澳門做騷後，匆匆返港去到霆鋒屋企，會合劉浩龍一齊玩通宵。
全副武裝行山
容祖兒事事為劉浩龍設想，有本事日操六粒鐘的她，因為男友心臟及血壓都出現毛病，不可以做劇烈運動，Joey於是移船就墈，選擇冇咁劇烈的行山，一齊做運動。
上月十八日，本刊記者發現劉浩龍到Joey寓所，接載全副行山裝備的女友上山頂，拍拖行山。
雖然「龍兒戀」不被外間看好，但二人卻獨排眾議，拋開身份懸殊，另類絕配。
楊受成之前唔鍾意祖兒同劉浩龍拍拖，怕男方另有居心，但反對都冇用，祖兒堅持要愛。祖兒的「前度」何韻詩同鄧九雲打得火熱，兩人經常出雙入對。
天之驕女
「女尊男卑」在娛樂圈見慣不怪，不少一線女星富家有錢女，搵男友、老公講心唔講金，甚至倒貼都無所謂。
龔如心
風水師陳振聰92年撻着華懋主席龔如心，他自爆女方曾分批贈送合共二十億現金，此外按摩費每次達五十萬。龔如心死後，陳振聰入稟法庭，爭取其千億家產。
何超雲
自從得賭王千金何超雲睇中後，陳山聰終日陪住女友周遊列國，吃喝玩樂，每次旅行，超雲都照起所有開支。
梅艷芳
樂壇大姐大梅艷芳當年身家以億計，雖然身邊出現無數男友，但無幾個可以與她身份匹配，其中趙文卓更經常自嘲被女友包養，二人最終亦因壓力分手。
