不少模特兒愛享受陽光與海灘，其中賭王索千金何超蓮和台灣型男吳克羣「預支蜜月」的馬爾代夫最受歡迎，o靚模陳靜與徐靖雯亦希望與另一半去該地度蜜月，
陳靜
「我會揀馬爾代夫，雖然唔太好陽光與海灘，但鍾意度假feel，夜晚個天空好吸引，我鍾意睇星星，加上當地通訊冇咁好，唔使成日睇住個電話，啱晒同未來愛侶去。」
而莊思敏則想到泰國度蜜月，全因唔使着太多衫！
《海陸空極速約會派對》：周秀娜
「我想對方包起海洋公園由朝玩到晚。其實我好低Ｂ，成日睇啲偶像劇，覺得好浪漫。到時一定要咩都玩晒，食嘢、睇動物、機動遊戲、摩天輪等，全部都唔可以放過。」
《春夏時裝騷》：諸葛紫岐（右）
「會去夏威夷，可以安靜享受假期，又有好多嘢食仲可以shopping，最緊要係動靜皆宜！」、張智霖：「我會選擇巴黎，因為近期去過兩次，好掛住嗰度，巴黎感覺好relax，啲嘢好正好靚。
《鞋履品牌預覽》：汪圓圓
「我會去啲好天堂feel嘅地方，要有好多沙灘，擺脫城市嘅繁忙，同埋我想去未去過嘅熱帶地方。」
《皮草之夜2013》：徐靖雯
「會去馬爾代夫，有陽光海灘好浪漫，同埋嗰度收唔到電話，咁就搵我唔到，冇人搵到我，傾唔到電話先可以真正relax。」
莊思敏
「我鍾意陽光與海灘，好似泰國咁，夏天嘅台灣都得，唔使着咁多衫，大家可以玩得舒服啲同hea啲，度蜜月係兩個人相處時光，我唔會去日本，一定掛住shopping。」
from:
http://orientaldaily.on.c ... /00282_055.html
