前大法官王見秋個大律師女兒王穎妤，早年曾經係富豪劉鑾雄嘅紅顏知己，不過03年開始，成日俾人影到佢同富豪鄭裕彤兒子鄭家純出入ball場，過從甚密，成為純官嘅紅顏知己，有報道指王穎妤呢幾年先後為純官生咗兩名囝囝。
王穎妤舊愛大劉近年同身邊嘅紅顏知己甘比同呂麗君密密生，現年43歲嘅王穎妤都升呢做咗人母，有報道指佢為純官生咗兩名寶貝仔，大仔都差唔多6歲，細仔就大前年出世，早年更有雜誌影過純官陪王穎妤母子遊花園。
王穎妤同鄭家純嘅關係穩定，成日俾人影到一齊。王穎妤前日下晝孭住個Chanel袋，一個人去中環行街，做咗阿媽身形唔多唔少會走樣，圓潤咗好多，成個富太咁樣。
逛時裝店冇收穫
兩子之母嘅王穎妤，近年身形變得圓潤富泰，佢前日下晝5點，由司機車咗去中環置地附近落車，跟住佢就行咗去美國時裝店Club Monaco，孭住Chanel手袋，一身深色連身裙嘅王穎妤，配埋對黑絲襪同高踭鞋，打扮成個濶太咁款，不過從背影睇，佢對腳仲好纖瘦，但水桶腰就無所遁形。王穎妤一個人入咗間時裝店行咗一轉，不過佢冇收穫就走咗。
由背面睇，王穎妤雙腳唔算粗，不過條水桶腰就無所遁形。02年王穎妤身形纖瘦，成個少女咁樣。資料圖片
from:
http://hk.apple.nextmedia ... 130301/18180207
