岑麗香有猛男翟威廉獻殷勤

張兆輝、周海媚、徐子珊及岑麗香等，昨日於將軍澳電視廣播城為無綫新劇《神槍狙擊2013》拜神，劇中香香飾演飛虎女隊員，周旋一眾飛虎男之中，有指眾男戲外對她大獻殷勤，當中最大嫌疑是張致恆（Steven）及溫家偉，但張致恆以有意中人撇清緋聞，溫家偉就大讚香香靚女及人品好，他又借記者口幫他約香香，問是否有意追求？他即轉話題說：「你哋問Steven喇！」香香直認翟威廉對自己最好，因為兩人同一經理人。徐子珊於劇中打鬥戲較多，問會否擔心被香香搶鏡時，她說：「唔緊要，我係男仔都會鍾意香香。」

香香與張致恆（左）、溫家偉合作，但不覺得有人追求她。
from:http://hk.apple.nextmedia ... 130228/18179049

徐子珊、岑麗香、張兆輝、張致恒等昨日出席新劇拜神儀式，在劇中經常被仔圍的香香表現風騷，又大爆男演員經常傾鹹濕偈。而被指力追香香的張致恒就劃清界線自爆已有意中人，另一名「追香族」溫家偉就不避嫌大讚香香，又着記者幫他拉攏跟香香單獨撐枱腳。

同屬靚女的徐子珊自問唔夠岑麗香爭仔。岑麗香大爆一班男藝員經常講鹹濕嘢，她即扮唔明行開。

藝人張兆輝、周海媚、謝天華、徐子珊、岑麗香、張致恒（Steven）、溫家偉等昨日出席劇集《神槍狙擊2013》拜神儀式，對於有指香香在拍攝此劇時被一眾猛男大獻殷勤，連身為女主角的徐子珊亦表示預了給香香搶鏡，她說：「同佢點搶呀，唔使諗啦，如果我係男仔我都會追香香。」而香香則笑說：「因為飛虎隊得我係女仔，佢哋真係好好，會教我中文同體能上嘅嘢。（邊個最好？）翟威廉，因為我哋係同一個經理人，而且我終於明白咩叫Guy Talk（男仔間的對話）。（佢哋講鹹濕嘢？）哈哈，有啲嘢我會選擇唔聽，行開，有時我覺得鬼妹仔唔明中文好幸福。」

Steven爆有意中人
早前有指Steven是追求香香最落力的一位，對此Steven說：「好好笑，其實唔只我一個教佢戲，劇組個個都有幫佢拼音同背對白。」在劇中要力追香香的他有否戲假情真，他即自爆：「點會？我已經有意中人，目標好明確，係唔會變心改追第二個。（目標係緋聞女友鍾舒漫？）唔講。（圈外定圈內人？）唔講，仲未追到。」

香香大受劇中眾男歡迎。張兆輝笑言太多女埋身招架不住。

張兆輝唔同後生爭
同是「追香一族」的溫家偉就不避嫌大讚香香靚女兼性格好，問他會否對香香展開追求攻勢時，他即笑淫淫說：「我唔會特別主動去追，要發生嘅事就會發生。」又表示未試過跟香香單獨食飯，着記者幫他拉攏。而張兆輝對於劇中好多男仔追香香，他即置身事外笑說：「等啲後生追啦。（你戲中都有周海媚同徐子珊！）兩個夠喇，唔係啲戲會分身不暇。」
from:http://orientaldaily.on.c ... /00282_045.html