楊穎（Angelababy）喺聽日就踏入24歲啦！自從同黃曉明拍拖之後，佢每年生日都係同男友一起歡度，不過曉明拍戲跌傷腳之後，行動仲唔係咁方便，所以今年佢生日就要去北京過，就一就男朋友。
不過自從Angelababy簽咗華誼公司之後，公司對佢幾重視，好多大片如《狄仁傑前傳》同《太極》等戲都俾佢做女主角，日前Baby喺上海做嘢，做完嘢華誼老闆王中磊仲約咗一齊去KTV唱K，提前為佢慶祝生日，睇嚟老闆都好錫佢，佢哋一行7、8個人唱咗幾粒鐘先至埋單走人。
聽講王中磊好愛熱鬧，不時會約埋旗下藝人一齊唱K、飲酒同打籃球，Baby係華誼新寵，老闆有乜好局一定會預埋佢。
正日陪曉明
不過生日正日，Baby已經攞咗假飛北京同曉明一齊食飯慶祝，雖然曉明出入仲要用枴杖，但佢已經開番工拍《白髮魔女傳》，不過聽日女友生日，佢當然會提早收工陪佳人啦！
老闆王中磊對Baby照顧有加，日前唱K，佢哋一齊出嚟嗰陣仲好好傾。聽日係Baby24歲生日，聽聞佢已攞假返北京同海綿蛋糕一齊慶祝。
from:
http://hk.apple.nextmedia ... 130227/18177973
