收視保證黃子華鐵定四月中返無綫拍喜劇，之前有傳他會與佘詩曼合作，不過由於女方檔期難以配合，故改為徐子珊擔任女主角。子珊謙稱沒可能亦沒有資格取代阿佘，但承諾全力以赴，並坦言與子華合作既緊張又有壓力。
阿佘忙於北上搵人仔，無緣與子華再合作。子珊坦言與才華洋溢的子華合作有壓力。
一直有傳黃子華今年會返無綫拍劇，除指他會再跟《絕代商驕》拍檔佘詩曼合作外，監製徐正康亦想再撮合他與鄭裕玲拍攝《男親女愛》第二輯。不過，據知子華已鐵定四月中返無綫開拍監製文偉鴻的新時裝喜劇，女主角則由徐子珊和陳敏之擔任。子華繼續以輕鬆、幽默手法演繹新劇，同劇演員還有搞笑能手阮兆祥、許紹鴻、林子善、「小寶」陳嘉佳、江美儀等。
緊張有壓力
曾於《絕代商驕》與子華合作的監製文偉鴻昨日接受電話訪問，提到之前有指他有意找子華與阿佘「再續前緣」，他坦言：「我哋都好想搵阿佘拍，但係佢個期真係配合唔到。」至於子華接拍此劇有否特別要求或意見？文偉鴻說：「佢好nice，大家都傾得好愉快，因為之前子華忙緊佢嘅巡迴演出，依家我哋仲一齊度緊題材、古仔，大家都有共同方向。」
「索腿天后」陳敏之於新劇暗戀子華。黃子華闊別多年再拍劇集，粉絲必定非常期待。
於劇中與子華飾演一對的子珊，坦言開心到不懂得形容。她說：「我有好多朋友都視子華為偶像，相信消息公開咗之後，啲朋友會keep住嚟探班。不過依家我都係聽緊古仔，未見到子華。」記者笑她取代阿佘，她即謂：「冇可能啦，我邊有咁嘅資格？不過有咁嘅機會，會盡力而為。」她又稱知道子華是一個很認真的藝人，加上對方以前所拍的劇集收視很高，故既緊張又有壓力。
陳敏之期待
另一女角陳敏之亦坦言很欣賞子華才華，期待與對方合作。劇中與子珊飾好姊妹的她暗戀子華，炮製一段錯綜複雜的三角戀。她謂：「我有睇晒佢啲棟篤笑o架！（有冇感情線？）有少少暗戀，係錯摸嗰啲。劇中佢係我老闆，熱心改造我，令我由一個冇自信心嘅人變為一個成功嘅人，所以我以為佢鍾意我。」
from:
http://orientaldaily.on.c ... /00282_010.html
