伍詠薇今日43歲生日，前晚喺中環蘇豪區Pure Fitness間餐廳包場搞生日會慶祝。前晚約10點，袁詠儀同老公張智霖、蔡一智同太太周雪芳一齊到賀，當晚餐廳老闆亦即係伍姑娘好友黃佩霞，喺晚市完結後包場畀伍姑娘搞派對，一齊happy嘅朋友有成廿幾人，當然唔少得伍姑娘愛人蔡一傑、好姊妹周汶錡，仲有拍無綫劇《金枝慾孽（貳）》做咗朋友嘅苟芸慧同簡慕華等。
今年37歲嘅簡慕華，同金牌監製戚其義拍拖係公開嘅秘密，前晚佢肚凸凸出席好友伍詠薇嘅生日派對，睇個富泰樣真係喜上加喜。
【中環蘇豪】伍詠薇今日43歲生日，前晚喺中環蘇豪區Pure Fitness間餐廳包場搞生日會慶祝。前晚約10點，袁詠儀同老公張智霖、蔡一智同太太周雪芳一齊到賀，當晚餐廳老闆亦即係伍姑娘好友黃佩霞，喺晚市完結後包場畀伍姑娘搞派對，一齊happy嘅朋友有成廿幾人，當然唔少得伍姑娘愛人蔡一傑、好姊妹周汶錡，仲有拍無綫劇《金枝慾孽（貳）》做咗朋友嘅苟芸慧同簡慕華等。
伍姑娘成晚同愛人蔡一傑喪跳舞，玩到冷落咗老公。伍姑娘忽然跳起鴨仔舞，十分爆笑。
苟姑娘護駕
派對上伍姑娘鬼咁high，成晚同傑仔不停咁跳舞，仲玩嘢跳鴨仔舞，被冷落嘅老公練海棠就靜靜招呼賓客。金牌監製戚其義緋聞女友簡慕華着鬆身衫肚凸凸現身，疑似有孕，凌晨兩點四十五分離開時，苟芸慧小心翼翼扶住佢，伍姑娘又攬住佢喺耳邊密斟，之後各方好友陸續離開，個個都玩得好開心。記者噚日以短訊問簡慕華係咪有喜？佢以微笑公仔回應，再追問係咪已婚，佢冇再答，係咪默認先？
袁詠儀、張智霖同蔡一智兩公婆去賀伍姑娘，但全部兩手空空，可能係講心唔講金。伍姑娘喺微博擺咗同苟芸慧、潘曉彤、梁嘉琪等新朋友仔嘅合照。
from:
http://hk.apple.nextmedia.com/entertainment/art/20130224/18174884
