專門繁殖參展級柴犬及秋田犬多年的寵物達人Bowie說，上年9月引入新品種「豆柴」到香港，迅即捲起熱潮。
豆柴體重不到7kg，是正常柴犬的三分之二，好多主人貪佢細細隻，幾百呎蝸居都養得，令這種迷你版柴犬擢升為狗界新寵，供不應求。
茶色豆柴（兩個月大）
似隻公仔的豆柴，身長約28至34cm，比A3紙長少許。成犬每月僅需3kg狗糧，只及柴犬食量的一半。
豆柴小檔案
出生地：日本福岡、大阪、四國等地
性格：溫馴、好動
顏色：茶色、黑色、白色、麻黃色
壽命：可達十五歲或以上
飼養方法：幼犬期須每日進食四餐，成犬時可減至每日兩餐。宜餵蛋白質含量較高的狗糧。
二萬八起
左邊的豆柴，與右邊的柴犬，其實同樣兩個月大，但身形爭成倍。留意豆柴的眼睛長得更圓，好cutie。
一般柴犬重8至10kg，身長約37至40cm。而豆柴血統源自柴犬，身形卻幾乎小一半，在幾百呎室內飼養也不嫌擠逼。去年起從日本柴犬會（Japan Kennel Club）引入豆柴的Bowie表示，因為日本居住環境愈來愈擠逼，所以在數年前有繁殖家培養出豆柴，賣點是地方細都方便養。但數量少，身價高達三萬元以上，比柴犬更貴。「其後愈來愈多人培育豆柴，身價稍有回落，不過每隻豆柴到港運費高達萬多元，所以現時豆柴身價至少二萬八千元起。」價錢貴，但由上年至今入口的數十隻豆柴，全數售清，而且不斷有客人預訂。
買錯狐狸？
豆柴與柴犬極相似，有不法商人將營養不良的柴犬BB冒充豆柴出售。Bowie勸有心主人應選擇四至五個月大的豆柴。「狗仔輪廓較明顯，較易推測成犬後的長相和體形。」最好驗證埋有無日本血統證明書、檢疫文件等等。「試過有朋友買下無血統證明的豆柴，半年後發覺狗仔愈大愈走樣：尖嘴、三角頭、耳仔長長，爭啲以為買錯咗隻狐狸！」話晒養狗是終生承諾，就算買錯咗都要好好愛牠，狗命無價呀！
白色豆柴（兩個月大）
健康的豆柴BB摸落一身肌肉，父母三代均為豆柴，切勿與孱弱柴犬冒充的假豆柴混淆。
黑金豆柴（兩個月大）
雌性豆柴通常半年生產一次，一胎四隻。最常見是茶色，而黑白色、麻黃色屬罕見，身價三至五萬元。
成犬豆柴（兩歲半）
由於身形細小，消耗能量時間更長，所以豆柴比柴犬更活躍，即使兩三歲的成犬也坐唔定，好活潑。
查詢：9222 6661（英雄犬舍）
撰文：鄭鳳
攝影：譚旭堯
