[愛情文章] 女人要放長線，釣大魚呀

好吧，最後我還是看了那集《星期日檔案》。

這裡的人應該不會誤會那是標籤香港女人功利甚麼的，我不詳細澄清了，只說一句：節目係從探討男人既一啲「秘密」，探討一啲無貨既女人無貨既原因。

「秘密」要引號，因為我覺得呢啲根本唔係秘密，每個女人都應該要知。但又真係有人唔知嫁喎。

首先，講check行蹤，報到。
女人覺得係愛、係關心，「如果無野怕咩比我知」。

事實係，男人要滾要玩，要搞三搞四，一定有方法可以唔比你知，呢啲野根本無得避，你可以揀信，或者唔信，要，或者唔要呢個男人。
啫係咁，如果佢係無野既，你check 唔check佢都係無野，如果佢係有野既，你check 唔check 佢都係有野。

你愛一個人，就放手比自由佢，如果佢都返黎你身邊，佢先至真係鐘意你。
終日要人報到，只會令男人覺得你煩，想避，唔聽你電話。

有次拍拖女友好鐘意打比我，一講就好耐，每次同人出街，我都唔聽佢電話，寧願夜晚佢發脾氣，都想有片刻安寧。

第二，男人係蠢，係低B，係要面要威要滿足感要英雄感。
要抓著男人心，一係就蠢，一係就扮蠢。
做女人要「有時依賴」，本質係獨立，但要扮依賴。
獨立啫係唔洗成日要男人陪著你，講埋Ｄ「點解我次次想你係我身邊既時候你都唔係度！」
但有時又要扮下小鳥依人，講個Ｄ「好彩今次你係度咋，唔係我都唔知點算呀！」

對女人黎講好小事嫁咋，聰明既女人就會有時脆弱，哄下男人，比下滿足感佢。
真正on居既人，一係就終日徬徬徨徨，無左男人唔得，就會變左怨婦，痴身，煩人，一係絕對獨立，「電燈膽我自己都識得換啦，我仲識得唱添呀」。

有乜意思啫？好威呀？男人就係唔鐘意Ｄ咁叻咁威咁自負既女人。
我識個靚女fd，連落樓梯都驚，每次扶佢行既時候覺得好威好英雄，真係諗起都覺得on居。
但男人係咁on居嫁喎。

第三，女人係覺得問你身家財富地位係為自己打算，但男人見到你咁猴急，反而就會縮，覺得你剩係睇錢位上先同我交往，成日要男人買名牌手袋，LV Gucci個Ｄ一樣道理。

我唔係話做人唔應該計較，但你地咁計係因小失大。
事實係，當你同左個男人一齊，佢買層樓都寫你個名啦，到時半份身家都係你，你就咁心急要個一個二個名牌袋？

要男人買野唔可以開口問，要間中流露想買想買既意圖，但又暗中嘆息，擺出「算啦咁貴都係唔要啦」既態度，男人就會自自然然買比你。《銀魂》教嫁，雖然《銀魂》係用細路哄爸爸買野，但道理一樣，爸爸咪男人咯。
, GetJetso.com -..
啫係你唔使咁心急問佢每月搵幾多，當每一個同佢交往既女人都咁問，你唔問，佢就會覺得「咦呢個女人咁特別既，同佢交往下先」，到男人成為左你既人，你先慢慢共佢產，將佢身家轉移，層樓加你個名，開聯名戶口，附屬信用卡。

到時個男人洗錢係你身上，仲要使得心甘命抵。

你迫佢買呢樣個樣，佢咪同班fd 呻：「唉我女朋友又迫我買咩啦。」佢d fd 會同佢講：「港女黎喎，飛左佢啦。」就算唔係，都唔係心甘情願。
, GetJetso.com -股票討論..
記著，放長線，釣大魚呀。
上次拍拖，約個女仔出黎食飯，佢話：「我沒什麼錢，只能吃便宜的，對不起，但我會自己付的，盡力。」
就因為這句話，之後十多次約會，每次都是我付錢，而且是搶著付。