講開啲前輩藝人，真係不得不提埋「大惡人」黄光亮啦！自從《老表，你好嘢！》播完，媽咪姐晚晚都有啲掛住佢㗎。你話嘞，邊有藝人好似佢咁，惡形惡相得嚟，又出奇地咁搞笑，簡直係近年電視界嘅一大驚喜！我哋成班靚太都好like佢㗎。
早前，媽咪姐又見到黃光亮去電台做嘢，嗰日佢一落車，就喺度吞雲吐霧，但唔係食煙喎，係食依家好少見嘅煙斗。見佢都吸咗成兩、三分鐘先行番入室內，唔使問都係長期煙民啦。吸煙危害健康呀，媽咪姐講咗一千次㗎嘞！
60歲嘅黃光亮跑慣江湖，擔起煙斗，一副大佬格。
內有乾坤
之前媽咪姐去電視城，又撞到黃光亮拍嘢，發現佢喺《老表》成日夾住嗰個手提包原來真係㗎。媽咪姐叫佢一聲「光哥」，佢話：「叫光仔得啦！」勁nice。
