蛇年到咗冇耐就輪到情人節，唔好以為情人節只係後生仔女嘅節日！好似關禮傑同老婆咁，兩公婆結婚多年仲可以喺生活細節上面浪漫吓。
早兩日媽咪姐去九龍搵朋友，點知撞見關禮傑。佢將架車停低喺麵包舖門口，先入去同班師奶逼逼吓，揀新鮮出爐麵包，之後去隔籬茶餐廳買兩杯絲襪奶茶。完成任務即笑瞇瞇拎返車，同老婆「撐枱腳」，夠晒廿四孝。
之後佢去咗茶餐廳買奶茶，全程笑瞇瞇，心甘情願冇人逼㗎。關禮傑入麵包舖揀麵包，堂堂大男人竟然同啲師奶逼，好嘢。
關禮傑上到車即遞杯奶茶俾老婆飲，sweet到呢！關禮傑夫婦1990年結婚，偶然會一齊出席公開活動。
