江蘇衞視以600萬人仔請得F4，上海東方衞視都唔弱，以500萬人仔請到上年以〈江南Style〉紅遍全球嘅PSY做嘉賓。
話說東方衞視除咗以厚酬打動鳥叔外，仲使出「美人計」，搵林志玲陪鳥叔跳馬舞。錄影時，見到佢哋跳得好似好歡樂，原來呢啲只係幕前所見咋。事實上鳥叔份人好大牌，同幕前笑面佛係兩個樣嚟！
嗱，鳥叔喺台前，就大讚林志玲「真係一匹性感的馬」，但後台呢，除咗自己友外，完全將林志玲當透明，連傳媒想佢同林志玲影合照都say no。一啲面都唔俾囉！
鳥叔雖然大牌，但都好了解中國嘅春節，所以專登着到成個利是封咁。抵讚！着住超短裙嘅林志玲，跟住鳥叔跳馬舞，跳到big波盪漾。鳥叔睇見應該好興奮。
嘉賓之一嘅黃渤，竟然班門弄斧，喺鳥叔面前跳馬舞。睇佢姿勢，媽咪姐覺得似猴舞多啲。你哋話呢？
嘩，跳成咁！（設計對白）
