作風大膽的女星黃榕（Gloria）換上紅色內衣慶新春，並與多隻蛇公仔擁抱催旺氣，最後更豁出去剝光豬，只靠小蛇遮三點大晒弗爆身材，她直言希望可引仔埋身，盡快告別單身族，35歲前生BB做人母！
現年32歲的黃榕保養得宜，相信仍有市場。
性感女星黃榕去年與圈外男友分手，Dry足一年的她希望可盡快有仔滋潤。趁蛇年殺到，Gloria穿上紅bra紅底攬蛇公仔望添旺氣，見她與蛇仔又錫又咬盡顯童真，並將九條蛇公仔掛上身，難度甚高，頓變聖誕樹一樣非常搞笑。
唔冧富二代
玩得興起，不拘小節的Gloria更bra都唔要，剝光豬晒身材，只靠蛇蛇遮掩重要部位，場面香艷！雖已32歲，但Gloria依然保持索爆身材，相信仍有大把市場。
黃榕不想生蛇B，因覺得蛇仔懶惰。黃榕剝光豬，只靠蛇公仔遮着三點大晒弗爆身材。
Gloria祝各位讀者蛇年賺大錢及有更多愛人，她直言怕變剩女，遺憾身邊仍未有合適人選，因此新一年會努力推銷自己，問是否需要好友Naomi（馮鎵瀠）介紹男仔？她說：「唔會，佢話將自己唔要嘅畀我，咁我都唔要。之前佢介紹咗個台灣男仔畀我，外形唔錯，但我唔接受異地戀，我要日日見住，最鍾意都係港男。（條件？）跳舞叻或者唱歌好，最緊要有才華，唔需要富二代。」
35歲做媽媽
Gloria直言想35歲做媽媽，但不急於生蛇B，因覺得蛇仔感覺懶惰。事業方面，去年Gloria在內地人氣有增無減，密密登台賺逾百萬元，她希望蛇年繼續接內地騷及拍電影，圓置業夢。
from:
http://orientaldaily.on.c ... /00282_045.html
