拍戲，由演員做到出品人；投資地產，由樓鋪買到山頂再叉隻腳去財經界，今年仲做埋廣東省政協委員，沾手政界；周星馳叻，冇人懷疑，算死草，更加精準。
凡事無寶不落，賀歲檔有大作上畫，周導更加不遺餘力。上星期三（二月六日），周星馳出席新戲《西遊降魔篇》首映，再一次人盡其用！全程同舒淇保持身體接觸，攬腰拉手搭膊錫啖，手口並用。
被傳同馮德倫外地秘婚，做咗疑似「人妻」嘅舒淇，雖然任拖任攬任錫，但厭煩神情卻不受控流出。周星馳流晒口水，但舒淇客氣話自己高攀唔起有才華又風趣嘅周導。唔受溝，抽水都抽番夠本！舒淇逆來順受，八珍代出口：大吉利是過你！唔明我講乜，我都唔明，總之係粗口！
捕住
由舒淇上台一刻開始，周星馳隻手幾乎無時無刻都掂住對方body。
嘴啖
俾周星馳捉實送吻，舒淇縮埋一嚿，高度戒備。
找不同
舒淇同娜姐，其實待遇好不同，睇真啲，一個攬腰，一個只係掂住手踭咋。
耆英組
大合照，冇離開過舒淇嘅周星馳，愈挨愈埋，肉酸！年齡相貌身材唔同，周星馳選擇部位亦唔同，譚玉瑛（左）、黎芷珊得到放膊頭。
