今日年初五兼情人節，謝天華與苟芸慧及何傲兒昨日齊齊食盆菜提早慶祝，Laughing上身的天華chok住向兩位靚女派利是，他與何傲兒都買了桃花希望催旺事業運，不過苟姑娘就向桃花說不：「係女人都想有老公錫，不過呢一刻覺得自己工作未有成績，唔應該去拍拖住。」問苟姑娘可會擔心「女神」封號嚇怕追求者？她表示：「咁先好呀，可以刪減咗啲冇信心嘅男仔。我唔算要求高，我鍾意男仔成熟同有愛心，但如果連追你嘅信心都冇，冇女仔會鍾意。」
苟芸慧（左）與何傲兒（右）爭住夾餸給謝天華。何傲兒今年會與家姐何傲芝一齊搞生意。
至於何傲兒會於蛇年嘗試與家姐何傲芝一齊搞美容及藥品生意，希望創一番事業，但她不急於求姻緣。結婚多年的謝天華今日會與老婆Tina慶祝，他說早前就與Tina一起買年貨：「呢啲係情趣，而且我講價好叻，通常都殺價成功。」
from:
http://orientaldaily.on.c ... /00282_009.html
