岑麗香憑住清純嘅形象同可愛性格而被封為宅男女神，𠵱家受到無線力捧嘅香香努力工作，仲話想快啲賺錢買樓置業。香香入行日子時間尚短，緋聞都唔算多，最令人深刻係同錢嘉樂傳緋聞，但都係宣傳居多。
未知係唔係人紅就多是非，噚日就有人爆料畀馮仁昭，仲整咗張香香同一個染咗啲金毛嘅猛男面貼面嘅親密合照，只見香香面微紅，好似飲咗兩杯，而佢身旁男仔就擺明一副飲咗酒嘅樣，個樣幾後生嘅香香成個頭挨埋佢個猛男到，仲笑得好鬼燦爛，睇嚟佢哋關係非淺。
香香被爆同男性朋友影親密照，認真嚇壞宅男。
岑麗香憑住清純嘅形象同可愛性格而被封為宅男女神，𠵱家受到無線力捧嘅香香努力工作，仲話想快啲賺錢買樓置業。香香入行日子時間尚短，緋聞都唔算多，最令人深刻係同錢嘉樂傳緋聞，但都係宣傳居多。
未知係唔係人紅就多是非，噚日就有人爆料畀馮仁昭，仲整咗張香香同一個染咗啲金毛嘅猛男面貼面嘅親密合照，只見香香面微紅，好似飲咗兩杯，而佢身旁男仔就擺明一副飲咗酒嘅樣，個樣幾後生嘅香香成個頭挨埋佢個猛男到，仲笑得好鬼燦爛，睇嚟佢哋關係非淺。
「點解拎出嚟」
不過香香就否認對方係男朋友，佢噚日接受電話訪問時就話：「係以前喺加拿大影，係未入行前，嗰時冇想過入娛樂圈，當日係個男仔嘅生日，佢輪住同每個人影相，大家係好朋友，唔係男友嚟，但好奇怪點解啲人拎啲相出嚟，大家都已經冇聯絡，我嚟香港之後都好少同嗰邊嘅朋友聯絡，但永遠都係好朋友。」
from:
http://hk.apple.nextmedia.com/entertainment/art/20130213/18163611
