蛇年圈中一片喜氣洋洋，不少蛇B排住隊出世，混血名模Lisa S.與名媛何倍倩就齊齊佗住蛇B慶新年。懷有六個月身孕的Lisa，體重激增30多磅，連上圍亦幾Cup跳由A變D，並向E進發，反觀懷龍鳳胎的何倍倩則依然纖瘦。Lisa為了B女有最佳的成長環境，遲些更會舉家移居美國。
Lisa S.懷孕後體重激增30多磅，上圍變得有睇頭的她興奮向讀者拜年
混血名模Lisa S.腹中的蛇B女已六個月大，原本屬平胸一族的她，上圍竟暴升至D cup，更邁向E cup，令她擁有前所未有的噴血身材，Lisa興奮地說：「我重咗30幾磅，個胸變咗做D cup，今個農曆新年我都係留喺香港休息吓，Daniel（老公吳彥祖）喺香港拍緊戲，都會有時間陪我，下個月等Daniel拍完戲，我哋就會開始準備BB用品同布置BB房。」問到Lisa可會再追多個？她坦言：「會，我哋會再追多個，我諗隔一年左右就會追第二個。」
吳彥祖兩邊飛
而為了BB將來有個最佳的成長環境，Lisa和Daniel遲些更會移居美國，Lisa說：「Daniel會休息一年，大約喺今年年尾我哋就會返美國住，最少都會住半年先返嚟。到咗BB五歲大嗰時，我就會喺美國定居，因為有更大嘅自由度，喺美國唔會有傳媒報道佢。Daniel就會兩邊飛。」
腹大便便的Lisa S.現時停工休息，遲些便開始準備BB用品
何倍倩雖懷龍鳳胎，但身形依然纖瘦
何倍倩依然瘦
另外，已有一子的何倍倩（Anina）去年造人成功，更是龍鳳胎，她說：「我同老公家族都冇人生過孖胎，我係第一個，真係好意外！」懷有五個多月身孕的她，身形仍很纖瘦，問到今年新年會否份外有意義時，她說：「都係！今年我唔可以出埠，會留港同家人慶祝兼四處拜年。」她坦言：「我好恨女，依家仔女有齊，可以收工！」
from:
http://orientaldaily.on.cc/cnt/e ...0210/00282_070.html
