鄭伊健婚後失控

又係上周六（2日），啱啱做咗人老公嘅鄭伊健，馬不停蹄去咗澳門金沙賭場做宣傳，搵錢養老婆仔蒙嘉慧。

估唔到婚前被公認係大細路嘅佢，婚後仲high！玩遊戲嗰時，忽然劉翔上身喪跑，搞到負責保護佢嘅保安啦，負責影相嘅記者啦，統統都要跟住佢狂奔。嘩！個場面咁失控，唔知嘅仲以為係追賊㖭。睇嚟45歲嘅伊健仍然未大得透，難怪問佢幾時生B，佢笑得衰衰咁話：「冇諗得咁周詳呀！」

上周四（1月31日）伊健拖住蒙嘉慧由東京返香港，一樣唔停咁行。但鄭太隻手真係dry咗啲，伊健快啲買支hand cream俾老婆啦。