剛剛喺第55屆日本藍絲帶獎獲得「最佳女配角」嘅廣末涼子，2月會同首次挑戰日本話劇嘅韓國型男車勝元合演舞台劇《給我火之戰車》。早前廣末就同草弓剪剛及車勝元喺首爾開記招。
今年33歲嘅廣末，都仲算係80後，而且一向baby face，照理好襟老先係，但歲月催人呢句話可以打敗一切想當然嘅嘢。話說喺記招上所見，一身和服look嘅廣末，不單冇咗當年嘅嬌俏，最慘係一笑起嚟，面皮同眼尾都打晒褶。我哋香港嘅萬綺雯42歲都仲可以扮學生妹，媽咪姐睇見廣末依家個樣都好欷歔。
打褶阿嬸
廣末涼子個樣不單老咗好多，最大劑啲雀斑犀利到，就算化咗妝都冚唔到（圖），真係陰功。
型男車勝元不愧女性殺手，記招上面嘅廣末不時對車大叔擺出一副冧樣。
昔日嬌俏少女
初出道時嘅廣末，長得清純可愛，人氣好高。
