內地女歌手劉惜君日前來港宣傳其第三隻唱片，她表示全隻碟都是翻唱偶像鄧麗君的歌：「我好鍾意鄧麗君，細細個就聽佢嘅歌長大，今年喺佢誕辰60周年，所以想出隻碟紀念。」劉惜君稱不會複製偶像的風格：「我會將啲歌改編，有Jazz同R&B等唔同曲風，我會唱屬於自己風格嘅鄧麗君，初初唱嗰陣都好有壓力，不過希望老一輩嘅歌迷同後生嘅歌迷都可以接受。」
劉惜君希望鄧麗君的歌迷可接受她。劉惜君視鄧麗君為偶像，連出碟也是翻唱鄧麗君的歌。
在深圳出生的劉惜君能講流利廣東話，她表示未出道時經常來港購物，問她想與哪位香港歌手合唱？她興奮說：「其實我喺陳奕迅歌迷，之前喺廣州見過佢一次，但我太怕醜唔敢行埋去，淨係叫工作人員幫我送隻碟畀佢，我好驚畀佢話我冇禮貌。」
from:
http://orientaldaily.on.c ... /00282_093.html
