黃宗澤（Bosco）被指在內地包養兩女，他昨晚現身首映時風騷否認，回復單身的他全心全意工作，聞得獲劉嘉玲欽點他合作拍劇時，Bosco聲言乜都肯制，有了新的螢幕拍檔，他甚至懶理舊愛胡杏兒是否有新歡。
【今日我至肥】黃宗澤同徐子珊噚晚獲最佳衣着獎，攞咗幾千蚊獎品，之前佢哋已經攞咗幾千蚊花紅，真係過一個肥年
賀歲片《2013我愛HK恭囍發財》昨晚在北角新光戲院舉行慈善首映，監製曾志偉率領譚詠麟、葉玉卿、黃宗澤等演員出席，眾演員穿上七十年代服飾行紅地毯，玩轉新光戲院。
忙於內地拍劇的Bosco被指在內地包養兩女，他昨晚否認其事：「我一向都有請助手，拍戲邊有咁多精力要兩條女吖！總之清者自清。」對舊愛胡杏兒自爆有新歡，Bosco說：「恭喜！好女仔都有人追，走寶？冇話走唔走，我冇恨拍拖。」志偉將力邀梁家輝、劉嘉玲等為無綫拍劇，嘉玲指定跟他合作，Bosco聞言說：「多謝嘉玲姐，佢真係返嚟拍，一出聲我乜都肯制。」
卿卿與志偉在首映禮時，向台下拋元寶
交友不分背景
志偉被拍得在李丞責婚宴上跟崩牙駒門生「洗米華」周焯華密斟，他表示是對方過來打招呼：「人生乜嘢朋友都要識，佢係黃柏高（Paco）老闆，我同Paco老友，佢叫我去佢公司春茗。」志偉直言不怕被指與江湖人士來往：「我60歲人，知自己做緊乜，人哋係江湖人物，都係義氣仔女。」談到拉攏梁家輝和劉嘉玲拍劇，志偉透露家輝應會成事，但嘉玲今年未必有時間，劉德華仍在斟洽中，周潤發就未有聯絡。
做完電影宣傳便返美的葉玉卿談到被志偉再斟拍劇，她坦言見過編劇兼心動，卿卿說：「不過30集要拍三個月，我廿年冇拍劇唔知捱唔捱到，暑假拍對仔女都好，但老公話冇可能。」
From:
http://hk.apple.nextmedia.com/entertainment/art/20130205/18156596
