【灣仔盧押道】楊愛瑾（Miki）同永安集團太子爺郭永淳拍拖已經好公開，早輪仲拍拖入馬場睇賽馬，而近期有工開嘅Miki，同最近回巢無綫嘅周海媚合作拍無綫劇集《神槍狙擊》，趁住唔使開工就繼續同男友出去玩。
【今日我至陪】Miki前晚唔使開工拍劇，即刻爭取時間做跟得女友，陪永安太子爺郭永淳拍拖，佢哋去灣仔一間酒吧消遣，點知爆滿冇位，認真冇癮
前晚10點幾，打扮到花枝招展、着住毛毛衫襯短裙仔，加上一對黑色長靴嘅Miki非常搶鏡，同着牛仔褲加恤衫外套嘅太子爺去咗灣仔盧押道一間酒吧夜蒲。佢哋會合埋一早到場嘅朋友，不過因為星期五關係，間酒吧已經爆滿，所以Miki同郭永淳都冇得入去。
Miki同男友企喺門口商量下一步計劃，Miki仲不顧儀態當街撩鼻，佢哋吹水傾咗10分鐘，又同路過嘅朋友打招呼，但佢哋等極都冇位，一行六人就向住銅鑼灣方向行去。點知行到一半，Miki同男友唔知係咪發現有記者，忽然急急腳上番自己架車走咗。
【傾住撩】
【黐到實】
【四圍贒】
郭永淳前妻伍志恆舊年被影到要扶枴杖，但精神唔錯
郭前妻百病纏身
而郭永淳同前妻伍志恆嘅贍養費上訴官司，法庭仲未有判決，佢前妻都好慘，離婚兼百病纏身，出入仲要扶枴杖，佢試過厭食症體重得番70磅，好在去年底佢現身銅鑼灣時，精神好番好多。
From:
http://hk.apple.nextmedia.com/entertainment/art/20130203/18154828
