星期一（二十八日），梁烈唯同苟芸慧喺九龍城寨公園，為新片《重口味》其中一個單元《有殺無賠》埋位拍一場嗌交戲。
劇情指二人坐喺公園傾傾嚇，梁烈唯忽然發脾氣丟低女友自己一個走咗去，同一時間，一個戴住面罩打赤上半身嘅臨時演員，要刻意跑過鏡頭。
點解導演會有一個咁風格化嘅安排？八珍都𢱑頭，但更騎呢啲陸續有來。就喺摔角面罩男過鏡一刻，竟然走到甩褲，打出白色帶子底褲。
啋！好在甩褲嗰嚇，苟姑娘個位只可以望到對方個pat，見唔到前面，否則，真係要搵碌柚葉洗眼。
同一時間，赤膊面罩男走過鏡頭。
被安排過鏡嘅面罩男走走嚇甩褲，打出整個pat pat。呢一嚇，純粹意外。
