吳雨霏病都要出街

成個一月，Kary吳雨霏周身唔得閒，連環幾個頒獎禮，仲要搞個人演唱會，卒之捱出病。

上個禮拜一晚（二十一日），搞掂埋最後一個港台頒獎禮，Kary病住同朋友出街，到中環擺花街一間精品店睇賀卡。

八珍聽二五講，Kary開完演唱會後一直咳唔停，睇極醫生都未好，當晚所見，Kary戴住個大口罩，都仲見到佢對眼又腫又冇神。咁都要出街，唔爭取時間休息，點會好呀！



病到冇晒神，Kary病住出街，《壹》仔都係靠佢條金色眉毛，先認到佢。



前一晚出席港台頒獎禮，完騷後大合照，化咗妝嘅Kary依然一副病樣。