近日因為跟周秀娜男友陳偉成（Avis）的慾照流出，而受到注目的19歲𡃁模羅彩玲（Vivian），由一般𡃁模變成為人所共知的小三。備受委屈自言工作暫時未有得着、不甘被指小三的Vivian繼續數臭Avis，指他獻殷勤時甘願充當外賣仔送食物上門，更以「上太空」的暗語，挑逗她上床，不過她自言從未跟對方發展，更不是小三。採訪：余燕儀
19歲的Vivian憑豐滿身材吸引到不少宅男注意
Vivian的WhatsApp（右圖）狀態有火箭、飛機等圖案，令人聯想到與Avis「上太空」的暗語有關
不敢識新朋友
Vivian自言經一事長一智，自此更小心交友，亦不敢識新朋友。Vivian表示事發後沒跟Avis聯絡，對於這個人，她說：「做朋友幾好，其他唔評論。佢唔回應呢件事，責任全部推晒落我度，反而打嚟問我答乜，佢入行經驗多我咁多，我始終係一個白雪雪新人，真係要小心識朋友。我同佢只係朋友冇咀、冇拖手，更加冇好似外面講搞嘢。」她自言整件事自己是蝕底的一個，不過性格使然不喜歡反咬對方亦不能做到絕情。
Vivian表示跟Avis在去年12月5日一眼鏡派對上認識，之後男方表示跟女友周秀娜的關係去到邊緣，Vivian又指他經常噓寒問暖，很容易令人誤會。
Vivian指認識Avis初期對方噓寒問暖，很易令女孩子誤會
不甘當小三的Vivian表示事發後，工作暫未有任何獲益
「成日話掛住我」
Vivian說：「之後佢做咗好多嘢，好多會令我誤會嘅嘢，好似有次同朋友喺雀會打麻雀，佢問我喺邊，話上嚟篤波好唔好。我話你鍾意上嚟，雀會又唔係我開，佢上嚟叫咗我出去，感覺佢唔想俾我朋友見到，然後畀咗一大袋糖我話『送畀你㗎，你同朋友一齊食囉。』，仲試過聖誕送咗頂帽畀我，發現同娜姐頂好類似，如果都係佢送，我覺得呢個人好有問題，同時送兩頂帽畀女朋友同一個可能追求緊嘅女仔，感覺好花心。」
Vivian大爆Avis有引誘自己上床：「佢成日話好掛住我，跟住問我想唔想上太空同埋嚟佢屋企。我唔明，所以亦冇理，後來至知佢係撩我上床。」令她印象最深刻是慾照流出前有一趟跟Avis吃飯，離開時在的士上發現手機上跟Avis的短訊跟WhatsApp被刪除，她相信是對方想毀滅證據。
From:
http://hk.apple.nextmedia.com/entertainment/art/20130130/18150558
