朱茵產後速瘦17磅

朱茵去年10月中為黃貫中（Paul）生咗個女，生完佢一直坐月冇見過人，直到噚日佢喺澳門以神秘嘉賓身份同古天樂、袁詠儀（靚靚）出席喜來登金沙城中心酒店活動，大家先見到佢已經收晒身。


（左起）朱茵、古仔同靚靚噚日去咗澳門為一間酒店剪綵兼打手印
「個女中文名叫黃鶯」
朱茵話：「生仔前重咗成20磅，一生完就唔見咗17磅，真係瘦得好快，個女中文名叫黃鶯係我改嘅、英文名Debbie係阿Paul改嘅，鶯係有智慧之鳥，所以我取呢個名，英文名就因為有位外國女歌手叫Debbie，阿Paul好欣賞，所以個女就改埋同一個名。」


噚日係朱茵產後第一次露面，完全收晒身，明艷照人
有女萬事足嘅朱茵，將個女取名黃鶯
𠵱家佢兩公婆有女萬事足，乜嘢都係以個女為大，朱茵話：「個女出生時重6磅10安士，當佢出生時聽到佢把叫聲，我同老公都忍唔住喊，每日望住個女就覺得好滿足。𠵱家一腳踢湊女，阿Paul都有幫手，不過我就冇餵人奶，怕壓力大。」朱茵話以後接工作會睇影唔影響湊女，而阿Paul就會更努力搵奶粉錢。

古仔噚日聽到老友應采兒（叮叮）有喜，都為佢開心，佢話：「早排叮叮打畀我，問我有冇時間食飯，話佢準備生BB，諗唔到咁快就有咗。」靚靚噚日先喺巴黎度假回港，問佢會唔會再追多個小朋友？佢話：「風水師話今年唔適合，加上今年好忙，應該唔會啦！」

From:http://hk.apple.nextmedia.com/entertainment/art/20130129/18149334

【林淑汶澳門直擊】朱茵由懷孕到誕下女兒，足足九個月沒有曝光，保密工夫做到足，昨日她首次出席公開活動，只見她已火速修身，回復苗條身形，身材一向澎湃「有料」的朱茵，因怕壓力大沒有餵人奶。


產後復出的朱茵，狀態十足
朱茵為免被影到懷孕肥胖的一面，「潛水」九個月沒有露面，產後亦留在家中專心湊女，就算日前本報獨家影到她與黃貫中（Paul）為囡囡舉行百日宴，亦十分低調。昨日朱茵產後首度露面，引來不少人圍觀，爭相要求合照，雖然大會阻止，她欣然接受與粉絲合照。

覺得生命奇妙
坐足一百日月的朱茵，昨出席澳門喜來登酒店「宏地樓」的竣工典禮，與古天樂及袁詠儀一同剪綵及打手印，身穿黑裙的她已修身不少，她說：「我生之前都只係重咗17磅，臨生前我特登谷到20磅，依家距離未生前只差3、4磅，我好乖呀，坐月坐足100日！」為囡囡她足不出戶，湊女完全不會假手於人，自然快修身：「餵奶洗奶樽都係自己，不過我係餵奶粉嘅。（你應該好多奶水？）個奶媽都有問我，我覺得餵人奶好大壓力，我又驚唔夠奶，同埋如果媽咪病，個女都會病，最重要係老公都可以幫手餵奶粉，不過Paul乜都識晒！」問到要否撲奶粉？她說：「好在有贊助，不過之前都換過奶粉。」夫婦倆一於齊齊搵奶粉錢。


古天樂負責為醒獅點睛

朱茵透露囡囡「叉燒包」出生時重6磅10安士，老公全程陪伴在側，兩人見到BB出世的一刻忍不住留下開心眼淚：「覺得生命好奇妙，Paul都熱淚盈眶，之前聽蔡少芬講都唔明，自己做咗媽咪之後就明白，依家個女係最重要，淨係望住佢就滿足。」她已為「叉燒包」取名黃鶯：「我鍾意個名響啲，我一向好鍾意呢種鳥，覺得佢哋又靚又有智慧，其實之前都有諗過黃晶，但已經有人用嘛！英文名Debbie就係Paul改嘅，代表daddy's baby，同埋佢好鍾意一個歌手都係叫Debbie，我都好贊成，老人家都識叫！」

嘔奶都好得意
黃鶯的樣貌似她多過Paul，朱茵笑言最初看見B女是單眼皮都好擔心：「因為Paul係內雙眼皮，總之就覺得個女成日引我哋笑，嘔奶都好得意。」今年她要首年派利是，囡囡亦首度逗利是，感覺得意！至於古天樂則透露農曆新年會留港度歲，他堅持農曆新年留港，除了派利是外還有小賭，他說：「賭錢贏冇得攞，輸就要畀雙倍，不過志在大家開心啫。」對於陳小春太太在微博宣布有喜？古仔即送上恭喜。

From:http://orientaldaily.on.cc/cnt/e ...0129/00282_007.html