首週播映嘅《老表，你好嘢！》收到70多宗投訴，有人鬧即有人睇，上週平均收視30點，最高33點。除咗王祖藍好笑，劇中女角長腿教主萬綺雯繼續防腐，230磅肥妹「細細粒」（陳嘉佳）亦夠晒可愛。
而劇中第二女角王菀之首拍劇，即被網友讚好戲唔造作，原來純情王菀之為練好戲，曾在舞台劇上飾演豪放OL、甚至公然在舞台上叫床，如果現實一樣豪放，王菀之就唔使揸住層2,000萬豪宅都仲係剩女喇！
呢期日日見33歲王菀之，食住〈留白〉攞「金曲金獎」餘威，上週日（20日）又喺港台頒獎禮攞兩獎，咁啱有份孭飛嘅《老表，你好嘢！》播映，劇中飾演郭晉安細妹、搞笑得嚟演出亦唔造作，最緊要係連把雞仔聲都收埋！
王菀之和王祖藍睇戲，據知兩人曾考慮加插親熱戲，但最終因不想影響二人的單純愛情感覺，故最終刪掉。
《老表》中王菀之一改雞仔聲，網友讚佢做得好，原來全靠舞台劇苦練過。
王菀之在舞台劇《I Love You Because》中飾演豪放OL，更因此俾王祖藍睇中邀請到無綫拍劇。
10年跟張敬軒首次拍音樂舞台劇《柯迪夫》，令她出鏡時識得減低刺耳雞仔聲。
疑似相睇
上週四（17日），王菀之同父母睇完江樺嘅周年音樂會，就同父母喺停車場等車，其間四眼男一直傍實身邊，更同王父母有講有笑。
四眼男殷勤
四眼男被指全程𥄫實王菀之，似乎對王菀之好有興趣。
父母介紹
有指現居於將軍澳領峯的王菀之父母，對四眼男讚賞有加，更主動介紹給女兒認識，睇嚟兩老好恨嫁女。
苦戀唔開心
繼無綫《勁歌》攞「金曲金獎」後，週日王菀之又於港台《十大中文金曲》頒獎禮中獲得十優歌手兼「金曲獎」。
首次拍劇演出就有成績，原來只因王菀之舞台劇經驗豐富。其中在11年5月同梁祖堯、湯駿業等拍舞台劇《I Love You Because》，王菀之更獲香港舞台劇獎提名最佳女配角。而劇中王菀之飾演一名豪放OL，教女性要尋找男伴先搵到自己的Mr.Right，劇中王菀之除了跟湯駿業有床戲外，在二度加場時，更特別加插叫床聲音效果，王菀之當時亦說：「開頭都會尷尬，但原來家人好期待，如果我操到好似焦媛咁fit，都唔介意戴bra上陣！」
舞台劇做豪放女，但現實中，揸住層2,000萬灣仔新豪宅尚匯的王菀之，現實感情卻一片空白，除了09年被本刊影到跟6呎型男一齊步出香閨外，據知先後試過𥄫中同志MV名導莊少榮、亦曾跟現為人夫嘅音樂監製馮瀚銘，糾纏不清。上週四（17日）王菀之同父母一同出席歌唱老師江樺的周年音樂會，其間有位四眼男貼身服侍，更同王父母有傾有講，疑似相睇。上週日（20日）王菀之出席港台頒獎禮表示：「王祖藍之前睇過我舞台劇，之後就打畀我邀請我拍劇，我本來都好緊張㗎，但係聽到有張繼聰就定啲，雖然係電視劇，但出嚟效果都幾舞台劇！」拍劇有成績，但王菀之講起愛情就好無奈說：「近排感情冇着落，因為之前唔開心，之前結束咗一段關係，我單身但唔急。」
情路兜轉
33歲王菀之感情一直低調，最多都係同張敬軒傳煲水緋聞，咁耐係同高大男拍拖斷正過，但據知她原來多次投入感情，可惜全冇下文。
唯一斷正
2年前王菀之跟高大男一齊於干德道寓所離開，其間高大男更幫她扶正眼鏡，可惜二人始終分手收場。
據知王菀之曾跟她的音樂監製馮瀚銘多次離合，最終馮卻跟前歌手王馨結婚。
錯愛導演
左：MV導演莊少榮
早年王菀之亦曾暗戀MV導演莊少榮，但據知莊原來是同志，王菀之癡心錯付。
2,000萬豪宅揸手
王菀之33歲女，11年已經買了一層價值2,054萬的豪宅尚匯，更為了這層豪宅，不惜放了購入未夠1年的牛池灣新樓峻弦，雖然帳面有9萬賺，但扣除稅項雜費，實蝕起碼過10萬，加埋她父母的兩層將軍澳日出康城領峯單位，王菀之供樓條數好襟計，週一王菀之亦說：「供樓梗係辛苦，要放咗峻弦先供得起新嗰層尚匯，咁樣安全啲，屋企人嗰度（領峯）都要供㗎，成家人眾志成城囉，其實做呢行俾大家想像中賺錢難好多，都係靠拍多啲廣告或者接騷咋。」
領峯~父母持有兩個的領峯1,309呎單位，買入價每個774萬，現已升值至約850萬
尚匯~王菀之11年4月買入灣仔尚匯一間964呎單位，當時造價2,054萬，單位要年中才入伙。
