《老表》唔只有索腿萬綺雯、剩女王菀之；仲有230磅嘅肥妹小寶（陳嘉佳）。雖然小寶夠分量，但喺劇中演出可愛，深受一眾巴打歡迎封佢係新女神。自認係處女嘅小寶雖然性格樂天，但亦有唔開心嘅時候。更慘遭人取笑做恐龍！邊個咁冇人性呀？
小寶由細到大都係圓碌碌，15歲時已有140磅，其實肥妹輪廓標致，絕對係靚妹！
230磅細細粒小寶（陳嘉佳），咁大個女未拍過拖，她坦承自己仲係處女，她對愛情冇期望，但仍好樂觀說：「我冇初戀對象，我個戀仲未『初』出嚟，我諗冇人咁重口味啩？」小寶現職新一代警察道具公司，負責幫電影公司預約警察道具，但剛跟無綫亦簽了兩年藝員合約：「Keep住份正職先，其實𠵱家我新年都未有外快㗎，幫我呼籲吓吖！」
表情鬼馬
小寶本身已養了西施狗一隻，心思思想養多隻大狗，不過最後都睇唔啱。
肥妹今次一劇彈起，全靠王祖藍帶挈。聽聞《法網狙擊》監製文偉鴻已預定新劇角色畀肥妹。
自知冇人咁重口味，既然男人難搵，細細粒實行搵寵物陪，週一（21日）放工後，細細粒便隻身走去太子寵物店睇狗仔，對住啲狗仔更不時難掩笑容，細細粒肥得可愛，但原來亦曾遭人侮辱，細細粒說：「有時行出街見大眾啲目光好奇怪咁，試過做過1次gym，落樓梯時俾條𡃁仔話：『嘩，恐龍都出街呀？』聽到真係唔開心，不過見佢係細路就算喇！」細細粒勝在夠樂天，總有一日搵到有心人嘅！
阿Bob床戰湯盈盈
《老表》上週收視尚算高收，其中最爆笑一幕，阿Bob扮女人狂咀祖藍。本週繼續爆笑，搭上好友郭晉安未婚妻湯盈盈，更有兩場床戲，安仔捉姦迫到阿Bob去窗台避難。而本週五第9集，肥妹小寶同王菀之、鬼妹陳明恩及王祖藍，第一次以「Oh!Baby」組合上台唱懷舊歌，大跳騎呢舞。
本週三第7集湯盈盈飲醉酒誤當阿Bob係郭晉安，仲同佢發生關係
本週五第9集「Oh!Baby」首次以組合形式登場，記住留意肥妹跳舞。
