上星期一（一月十四日）晚，容祖兒喺北京出席完新浪網頒獎禮，瞓醒擘大眼就去機場，趕返香港出席十五日晚舉行嘅Swarovski活動。
飛北京做一日嘢，Joey有兩助手貼身服侍，返到香港，fans專程接機，爭取搬行李上車時間，同已經坐上車嘅Joey傾一陣咁多。
公司一姐出勤，即使只係做一個活動，依然出動兩助手貼身照顧，返到香港，又有fans組團接機，keep住天后陣式。
同一日，做咗人妻嘅梁詠琪，都喺台灣做完中視賀歲節目錄映返嚟，但GiGi冇助手陪，搭機拖喼自己顧自己。
一姐同人妻之別，一個架勢，一個實際。
唔使人陪嘅梁Gi，一支公搭機由台灣返港，助手到場接機，幫手拖行李。
