俾高登仔封為新一代女神嘅岑麗香，上星期六（十九日）同阮小儀一齊出席喺尖沙咀美麗華商場舉行嘅日本旅遊節宣傳活動，冇白tee濕身，更加冇除bra，著住和服紮到隻糉咁嘅香香，一樣吸引大班高矮肥瘦，樣樣有齊嘅龍友長短火招呼。
作為《國際中華小姐》同溫哥華《華姐》冠軍，香香個相頭絕對OK，只可惜十清一濁，即刻扣晒分。
話說當日香香因為要著和服，所以專登將頭髮紮成髻露出兩隻耳仔，遠睇頂呱呱，近睇即刻要搵阿媽！
冇誇張，成隻耳裝滿耳垢，廿八歲女，點解會咁dirty㗎！
和服look嘴木木，香香呢個日本娃娃本來都幾卡娃E，點知成耳屎，乜胃口都冇晒。
高登女神香香蒲頭，現場龍友人數幾乎多過採訪傳媒。
